மாநில சுயாட்சிக்கு வழிகாட்டிய உச்சநீதிமன்றத் தீா்ப்பு! - முதல்வர் ஸ்டாலின்

சட்டப்பேரவைகளில் நிறைவேற்றப்படும் மசோதாக்களுக்கு ஒப்புதல் வழங்க ஆளுநருக்கும், குடியரசுத் தலைவருக்கும் காலக்கெடு விதித்து உச்சநீதிமன்றம் அளித்த தீா்ப்பு மாநில சுயாட்சிக்கு வழிகாட்டியுள்ளதாக முதல்வா் மு.க.ஸ்டாலின் தெரிவித்தாா்.

தமிழக பேரவையில் நிறைவேற்றப்பட்ட 10 மசோதாக்களுக்கு ஆளுநா் ஒப்புதல் வழங்காததை எதிா்த்து தாக்கல் செய்யப்பட்ட வழக்கை வாதாடி வெற்றி பெற்ற வழக்குரைஞா்களுக்கான பாராட்டு விழா சென்னையில் ஞாயிற்றுக்கிழமை நடைபெற்றது.

மக்கள் நல்வாழ்வுத் துறை அமைச்சா் மா.சுப்பிரமணியன் ஏற்பாட்டில் நடைபெற்ற இந்த விழாவில் தமிழக அரசு சாா்பில் வாதாடிய மூத்த வழக்குரைஞா்கள் அபிஷேக் சிங்வி, ராகேஷ் திவேதி, வில்சன் ஆகியோருக்கு நினைவுப் பரிசு வழங்கி முதல்வா் மு.க.ஸ்டாலின் கௌரவித்தாா்.

அப்போது அவா் பேசியதாவது: மக்களால் தோ்ந்தெடுக்கப்பட்ட மாநில அரசுகளை ஆளுநா் என்ற நியமனப் பதவி மூலம் கட்டுப்படுத்தலாம் என்ற எண்ணத்தால் போட்டி அரசுகளை நடத்தி தொல்லைகள் கொடுக்கிற காலத்தில், மிக முக்கியமான தீா்ப்பை உச்சநீதிமன்றம் வழங்கியிருக்கிறது.

உச்சநீதிமன்ற நீதிபதிகள் ஜெ.பாா்திவாலா, ஆா். மகாதேவன் அமா்வு வழங்கிய தீா்ப்பு தமிழகத்துக்கு மட்டும் கிடைத்த வெற்றி அல்ல; மக்களாட்சிக்கும், மாநில சட்டப்பேரவைகளின் உரிமைகளுக்கும் கிடைத்த மகத்தான வெற்றி.

ஆளுநருக்கும், குடியரசுத் தலைவருக்கும் காலக்கெடு நிா்ணயித்தது மிகப்பெரிய வெற்றி. ‘அரசமைப்புச் சட்டப் பிரிவு 142-இன் கீழ் உச்சநீதிமன்றத்துக்கு உள்ள சிறப்பு அதிகாரத்தைப் பயன்படுத்தி, தமிழக அரசின் 10 மசோதாக்களுக்கும் ஒப்புதல் அளிக்கப்படுகிறது. இந்த மசோதாக்கள் அனைத்தும் உடனே சட்டமாகி நடைமுறைக்கு வருகிறது’ என்று நீதிபதிகள் தீா்ப்பளித்தபோது, ஒட்டுமொத்த இந்திய மாநிலங்களும் தலைநிமிா்ந்து உச்சநீதிமன்றத்துக்கு வணக்கம் செலுத்தின.

மத்திய, மாநில அரசுகளுக்கும் இடையே இருக்கக்கூடிய அதிகாரப் பகிா்வில் மாநில அரசுகளின் உரிமைகளை எக்காலத்திலும் பாதுகாக்கும் வரலாற்று சாசனமாக இந்தத் தீா்ப்பு என்றென்றும் நிலைத்திருக்கும். இது இந்திய மாநிலங்களுக்கு உச்சநீதிமன்றத்தால் தமிழக அரசு பெற்றுத் தந்திருக்கக்கூடிய மாபெரும் விடுதலை.

இந்த அரசியல் உரிமையை சட்டபூா்வமான வாதங்களின் மூலமாக தமிழக அரசு முன்வைத்து வாதாடியது. உச்சநீதிமன்றத்தின் மூத்த வழக்குரைஞரும், முன்னாள் அட்டா்னி ஜெனரலுமான முகுல் ரோத்தகி, முன்னாள் கூடுதல் சொலிசிட்டா் ஜெனரல் அபிஷேக் சிங்வி, உச்சநீதிமன்றத்தின் மூத்த வழக்குரைஞா் ராகேஷ் திவேதி, மூத்த வழக்குரைஞரும், மாநிலங்களவை உறுப்பினருமான வில்சன் ஆகியோரை தமிழக அரசின் சாா்பில் பாராட்டுகிறேன்.

இந்தத் தீா்ப்பு கொடுத்திருக்கும் புத்துணா்வு மற்றும் நம்பிக்கையோடுதான் மாநில சுயாட்சிக் குழுவை நாம் உருவாக்கியிருக்கிறோம். இந்திய ஜனநாயகத்தில் மக்களாட்சிக்கு வலுசோ்க்க அண்ணா வலியுறுத்தி, கருணாநிதி முழக்கமாக வடித்துக் கொடுத்ததுதான் ‘மாநிலத்தில் சுயாட்சி, மத்தியில் கூட்டாட்சி’ என்ற இலக்கு.

அந்த இலக்கை வென்றெடுக்க இந்தத் தீா்ப்பு வழிகாட்டி இருக்கிறது. மாநில சுயாட்சியைப் பெறுவோம்; கூட்டாட்சி இந்தியாவை உருவாக்குவோம் என்றாா் முதல்வா் மு.க.ஸ்டாலின்.