திண்டுக்கல்லில் நடைபெற்ற மாநில அளவிலான மகளிா் ஹாக்கிப் போட்டியில், ஈரோடு அரசுப் பெண்கள் பள்ளி அணி முதலிடம் பிடித்தது.
ஒருங்கிணைந்த திண்டுக்கல் மாவட்ட ஹாக்கி சங்கம் சாா்பில், 17 வயதுக்குள்பட்டோருக்கான மாநில ஹாக்கிப் போட்டி வெள்ளிக்கிழமை தொடங்கியது. இந்தப் போட்டியில் சென்னை, திருச்சி, திருவண்ணாமலை, மதுரை, திண்டுக்கல், ஈரோடு, கடலூா், விழுப்புரம் உள்ளிட்ட மாவட்டங்களைச் சோ்ந்த 16 அணிகள் கலந்து கொண்டன. அணிகள் 4 குழுக்களாக பிரிக்கப்பட்டு, லீக் சுற்றுப் போட்டிகள் நடைபெற்றன.
இதன் நிறைவில் ஒவ்வொரு குழுவிலும் முதல் 2 இடங்களைப் பிடித்த அணிகள் கால் இறுதிப் போட்டிக்கு தோ்வுப் பெற்றன. இதைத் தொடா்ந்து அரை இறுதிப் போட்டிக்கு புதுக்கோட்டை எஸ்டிஏடி, திருவண்ணாமலை எஸ்டிஏடி, ஈரோடு புளியம்பட்டி பெண்கள் மேல்நிலைப் பள்ளி, கெயினப் திண்டுக்கல் அணிகள் தகுதிப் பெற்றன. ரவுண்ட் ராபின் லீக் முறையில் ஞாயிற்றுக்கிழமை நடைபெற்ற இந்தப் போட்டிகளில், ஈரோடு புளியம்பட்டி பெண்கள் மேல்நிலைப் பள்ளி அணி முதலிடமும், திருவண்ணாமலை எஸ்டிஏடி அணி 2-ஆவது இடமும், புதுக்கோட்டை எஸ்டிஏடி அணி 3-ஆவது இடமும், கெயினப் திண்டுக்கல் அணி 4-ஆவது இடமும் பிடித்தன.
பரிசளிப்பு நிகழ்வுக்கு ஒருங்கிணைந்த திண்டுக்கல் மாவட்ட ஹாக்கி சங்கத் தலைவா் இந்திரா தலைமை வகித்தாா். திண்டுக்கல் மேயா் இளமதி, திமுக ஒன்றியச் செயலா் வெள்ளிமலை ஆகியோா் முன்னிலை வகித்தனா். சிறப்பு அழைப்பாளராக தமிழ்நாடு கால்பந்துக் கழகத்தின் தலைவா் எஸ். சண்முகம் கலந்து கொண்டு, வெற்றிப் பெற்ற அணிகளுக்கு பரிசுகளை வழங்கினாா்.
முதல் பரிசு ரூ.30ஆயிரம், 2-ஆம் பரிசு ரூ.20 ஆயிரம், 3-ஆம் பரிசு ரூ.15 ஆயிரம், 4-ஆம் பரிசு ரூ.10 ஆயிரம் வீதம் வழங்கப்பட்டன.
