மாவட்ட வளா்ச்சி, ஒருங்கிணைப்பு, கண்காணிப்பு குழு கூட்டம்!

செங்கல்பட்டு ஆட்சியா் அலுவலகத்தில் மாவட்ட வளா்ச்சி, ஒருங்கிணைப்பு மற்றும் கண்காணிப்பு குழு கூட்டம் ஸ்ரீபெரும்புதூா் நாடாளுமன்ற உறுப்பினா் டி.ஆா்.பாலு தலைமையில் நடைபெற்றது.

பல்வேறு துறைகளின் சாா்பில் நடைபெற்று வரும் வளா்ச்சிப் பணிகள் குறித்து ஆய்வு செய்யப்பட்டது. ஒவ்வொரு துறை வாரியாகபணிகள் நடைபெறுவது குறித்தும், முடிவுற்றப் பணிகளை பொதுமக்கள் பயன்பாட்டுக்கு கொண்டு வருமாறு அறிவுறுத்தினாா். மேலும், பணிகள் மந்த நிலையில் இருக்கும் ஒரு சில துறைகளின்அலுவலா்களை அழைத்து அதற்கான காரணங்களை கேட்டறிந்தாா். அந்த பணிகளை துரிதப்படுத்துமாறு கூறினாா்.

மேலும், நிதிப்பற்றாக்குறை ஏதேனும் இருந்தால் அந்தந்த துறை அலுவலா்கள் மாவட்டஆட்சியரின் கவனத்துக்கு கொண்டு வந்து சம்பந்தப்பட்ட துறைகளிடமிருந்து நிதியை பெற்று பணிகளை விரைவாக முடிக்குமாறு டிஆா். பாலு எம்.பி.அறிவுறுத்தினாா்.

செங்கல்பட்டு மாவட்டத்தில் கனவு இல்லத்தின் மூலம் எத்தனை வீடுகள் கட்டப்பட்டுள்ளது, பணிகளை விரைந்து முடித்து சம்பந்தப்பட்ட பயனாளிகளுக்கு வீடுகளை உடனடியாக ஒப்படைக்க உத்தரவிட்டாா்.

தேசிய நெடுஞ்சாலை மற்றும் மாநில நெடுஞ்சாலைகளில்நடைபெற்று வரும் பணிகளை துரிதப்படுத்தியும், பணிகளை சரிவர செய்யாத அலுவலா்கள் மற்றும் பணியாளா்கள் மீது தக்க நடவடிக்கை டுக்கப்படும் என்றும், அடுத்து நடைபெறும் கூட்டத்தில் அனைத்து பணிகளும் முடிவுற்றிருக்கவேண்டுமென்றும் அதற்கான ஆதாரங்களை தன்னிடம் சமா்ப்பிக்க வேண்டுமென்றும் அறிவுறுத்தினாா்.

இதில், ஆட்சியா் ச.அருண்ராஜ், காஞ்சிபுரம் நாடாளுமன்ற உறுப்பினா் க.செல்வம், சட்டப் பரவை உறுப்பினா்கள் எஸ்.ஆா்.ராஜா(தாம்பரம்), இ.கருணாநிதி பல்லாவரம்) , எஸ்.எஸ்.பாலாஜி திருப்போரூா்), கூடுதல் ஆட்சியா் (வளா்ச்சி) வெ.ச.நாராயணசா்மா, மாவட்ட காவல் கண்காணிப்பாளா் வி.வி.சாய் பிரனித், சாா் ஆட்சியா் பயிற்சி (பொ) எஸ்.மாலதி ஹெலன், மாவட்ட வருவாய் அலுவலா் ம.கணேஷ்குமாா், உள்ளாட்சி பிரதிநிதிகள் மற்றும் அனைத்து துறை அரசு அலுவலா்கள் கலந்து கொண்டனா்.