ஈரோடு மாவட்டத்தில் 9 லட்சம் பேருக்கு குடற்புழு நீக்க மாத்திரைகள் வழங்கப்பட உள்ளதாக மாவட்ட ஆட்சியா் ராஜகோபால் சுன்கரா தெரிவித்தாா்.
ஈரோடு ஆசிரியா் குடியிருப்பு ஊராட்சி ஒன்றிய நடுநிலைப் பள்ளியில் தேசிய குடற்புழு நீக்க தினத்தையொட்டி, மாணவா்களுக்கு அல்பெண்டாசோல் மாத்திரைகள் வழங்கும் நிகழ்வு திங்கள்கிழமை நடைபெற்றது.
மாணவா்களுக்கு மாத்திரைகளை வழங்கிய மாவட்ட ஆட்சியா் ராஜகோபால் சுன்கரா பேசியதாவது:
குடற்புழு நீக்க தின சிறப்பு முகாம்களில் குடற்புழுவை அழிக்கும் பொருட்டு அல்பெண்டாசோல் மாத்திரைகள் 1 முதல் 2 வயது வரை உள்ள குழந்தைகளுக்கு 200 மில்லி கிராம் அளவிலும், 2 முதல் 19 வயது வரை உள்ளவா்களுக்கு 400 மில்லி கிராம் அளவிலும், 20 வயது முதல் 30 வயது வரை உள்ள பெண்களுக்கு (கா்ப்பிணிகள் மற்றும் பாலூட்டும் தாய்மாா்கள் தவிா்த்து) 400 மில்லி கிராம் அளவிலும் ஒரே தவணையில் வழங்கப்படுகிறது.
ஈரோடு மாவட்டத்தில் 5 வயதுக்கு உள்பட்ட குழந்தைகளுக்கு 2,080 அங்கன்வாடி மையங்கள் மற்றும் 311 துணை சுகாதார நிலையங்களிலும், 1,410 அரசுப் பள்ளிகள், 329 தனியாா் பள்ளிகள் மற்றும் 63 கல்லூரிகளில் பயிலும் 19 வயது வரை உள்ள 7,25,892 பேருக்கும், 20 முதல் 30 வயது வரை உள்ள பெண்கள் 1,75,531 பேருக்கும் 3,455 பணியாளா்களைக் கொண்டு அல்பெண்டாசோல் மாத்திரைகள் வழங்கப்படவுள்ளன. விடுபட்டவா்களுக்கு பிப்ரவரி 17-ஆம் தேதி மாத்திரைகள் வழங்கப்படும் என்றாா்.
தொடா்ந்து ஆட்சியா் தலைமையில், மாணவ, மாணவிகள் தேசிய குடற்புழு நீக்க நாள் உறுதிமொழியை ஏற்றுக் கொண்டனா். மேலும் 7-ஆம் வகுப்பு மாணவி சதன்ஷிகா குடற்புழு நீக்க நாள் குறித்து விழிப்புணா்வு உரை நிகழ்த்தினாா்.
அதனைத் தொடா்ந்து மாணவ, மாணவிகளுக்கு கை கழுவும் முறை குறித்து அலுவலா்கள் மூலம் செயல்விளக்கம் அளிக்கப்பட்டது.
இந்நிகழ்ச்சியில் பொது சுகாதாரம் மற்றும் நோய்த் தடுப்பு மருந்து துறை கூடுதல் இயக்குநா் சேரன், மாவட்ட சுகாதார அலுவலா் அருணா, நகா் நல அலுவலா் காா்த்திகேயன், தாய்-சேய் நல அலுவலா்கள் விஜயசித்ரா, கௌசல்யா உள்ளிட்டோா் பங்கேற்றனா்.
