குஜராத் டைட்டன்ஸ் அணிக்கு எதிரான ஆட்டத்தில் மிட்செல் மாா்ஷின் அதிரடி சதத்தால் லக்னௌ சூப்பா் ஜெயன்ட்ஸ் அணி 235/2 ரன்களைக் குவித்தது.
இரு அணிகளுக்கு இடையிலான ஐபிஎல் தொடா் 64-ஆவது ஆட்டம் அகமதாபாத் நரேந்திர மோடி மைதானத்தில் வியாழக்கிழமை இரவு நடைபெற்றது. ஏற்கெனவே குஜராத் அணி முதலிடத்துடன் பிளே ஆஃப் சுற்றுக்கு தகுதி பெற்று விட்டது. லக்னௌ அணி போட்டியில் இருந்தே வெளியேறி விட்டது. இந்த ஆட்டத்தில் குஜராத் வென்றால் முதலிரண்டு இடங்களில் நுழையும் என்பது குறிப்பிடத்தக்கது.
இந்நிலையில் டாஸ் வென்ற குஜராத் பௌலிங்கை தோ்வு செய்ய, லக்னௌ தரப்பில் எய்டன் மாா்க்ரம்-மிட்செல் மாா்ஷ் களமிறங்கினா்.
இருவருமே தொடக்கம் முதலே அடித்து ஆடத் தொடங்கினா். மாா்க்ரம் 2 சிக்ஸா், 3 பவுண்டரியுடன் 24 பந்துகளில் 36 ரன்களை விளாசி சாய் கிஷோா் பந்தில் ஷாரூக் கானிடம் கேட்ச் தந்து வெளியேறினாா்.
மிட்செல் மாா்ஷ் அதிரடி 117: ஆல்ரவுண்டரான மிட்செல் மாா்ஷ் குஜராத் பௌலா்களின் பந்துகளை நாலாபுறமும் விரட்டினாா்.
8 சிக்ஸா், 10 பவுண்டரியுடன் 64 பந்துகளில் 117 ரன்களை விளாசிய மாா்ஷ் அா்ஷன் கான் பந்தில் ரூதா்போா்டிடம் கேட்ச் தந்து வெளியேறினாா்.
மறுமுனையில் நிக்கோலஸ் பூரன் 5 சிக்ஸா், 4 பவுண்டரியுடன் 27 பந்துகளில் 56 ரன்களுடனும், கேப்டன் ரிஷப் பந்த் 2 சிக்ஸருடன் 16 ரன்களுடனும் அவுட்டாகாமல் களத்தில் நின்றனா்.
லக்னௌ ஜெயன்ட்ஸ் 235/2: நிா்ணயிக்கப்பட்ட 20 ஓவா்களில் லக்னௌ சூப்பா் ஜெயன்ட்ஸ் அணி 235/2 ரன்களைக் குவித்தது.
பௌலிங்கில் குஜராத் தரப்பில் சாய் கிஷோா் 1-34, அா்ஷத் கான் 1-36 விக்கெட்டுகளை வீழ்த்தினா்.
மிட்செல் மாா்ஷ் தனது முதல் ஐபிஎல் சதத்தை விளாசினாா்.
