வாணியம்பாடி அருகே மின்சாரம் பாய்ந்து சிறுவன் உயிரிழந்தது குறித்து போலீஸாா் விசாரித்து வருகின்றனா்.
திருப்பத்தூா் மாவட்டம், வாணியம்பாடி அடுத்த கொத்தகோட்டை கோடியூா் பகுதியைச் சோ்ந்தவா் எல்லப்பன் (38). இவரது மனைவி ரோஜா. இவா்கள் இருவரும் சென்னையில் கட்டடத் தொழிலாளியாக பணியாற்றி வருகின்றனா்.
இவா்களது குழந்தைகள் நந்தகுமாா் (7), மோனிஷா (5), கிஸ்வந்த் குமாா் (3). இருவரும் வேலைக்கு சென்றுவிட்டதால், குழந்தைகள் பாட்டி ரஞ்சிதம்மாள் வீட்டில் இருந்துள்ளனா்.
இந்த நிலையில், ஞாயிற்றுக்கிழமை மாலை வீட்டில் உள்ள மின்விளக்குகளை எரிய வைக்க முயன்றபோது, எதிா்பாராதவிதமாக நந்தகுமாா் மீது மின்சாரம் பாய்ந்து தூக்கி வீசப்பட்டுள்ளாா்.
அவரை அங்கிருந்தவா்கள் மீட்டு, வாணியம்பாடி அரசு மருத்துவமனைக்கு கொண்டு சென்றனா். அங்கு அவரைப் பரிசோதித்த மருத்துவா் நந்தகுமாா் ஏற்கெனவே உயிரிழந்து விட்டதாகத் தெரிவித்தனா்.
உயிரிழந்த நந்தகுமாா் அதே பகுதியில் உள்ள ஊராட்சி ஒன்றிய துவக்கப் பள்ளியில் இரண்டாம் வகுப்பு படித்து வந்தாா். இது குறித்து வாணியம்பாடி தாலுகா போலீஸாா் வழக்குப் பதிந்து விசாரணை நடத்தி வருகின்றனா்.
