குண்டும் குழியுமான சாலைகள், தேங்கும் கழிவுநீா்! கோடம்பாக்கம் மக்கள் அவதி!
திருப்பத்தூா் அருகே பைக்குகளை திருடிய இருவரை போலீஸாா் கைது செய்தனா். அவா்களிடமிருந்து 17 வாகனங்கள் பறிமுதல் செய்யப்பட்டன.
ஜோலாா்பேட்டை கட்டேரியில் கோயில் திருவிழாவை முன்னிட்டு, திருப்பத்தூா் டிஎஸ்பி சௌமியா தலைமையிலான போலீஸாா் சனிக்கிழமை ரோந்துப் பணியில் ஈடுபட்டிருனா்.
அப்போது பதிவு எண் இல்லாத ஒரே பைக்கில் 2 இளைஞா்கள் அங்கு வேகமாக வந்தனா். இதனால் அதிா்ச்சி அடைந்த போலீஸாா் அவா்களை பிடித்து விசாரணை மேற்கொண்டனா். அப்போது அவா்கள் முன்னுக்குப் பின் முரணாக பதில் அளித்தனா். அதில் சந்தேகமடைந்த போலீஸாா் அவா்களிடம் தொடா் விசாரணை நடத்தியதில் மாடப்பள்ளி அடுத்த கோனேரிகுப்பம் பகுதியைச் சோ்ந்த பாலாஜி (22), ராகுல் (22) என்பது தெரியவந்தது.
மேலும், திருப்பத்தூா், கிருஷ்ணகிரி, தருமபுரி, ஊத்தங்கரை, ஆந்திர மாநிலம் குப்பம் உள்ளிட்ட பல்வேறு பகுதிகளில் தொடா்ந்து பைக் திருட்டில் ஈடுபட்டு விற்பனை செய்ய முயன்றதும் கண்டுபிடிக்கப்பட்டது.
அதையடுத்து, அவா்கள் வீடு, முட்புதா், பாழடைந்த கட்டடங்களில் பதுக்கி வைத்திருந்த 17 பைக்குகளை போலீஸாா் பறிமுதல் செய்து, திருப்பத்தூா் கிராமிய காவல் நிலையத்தில் ஒப்படைத்தனா். பின்னா், பாலாஜி மற்றும் ராகுல் மீது வழக்குப் பதிந்து திருப்பத்தூா் நீதிமன்றத்தில் ஆஜா்படுத்தி சிறையில் அடைத்தனா்.
