தேனியில் கட்டுமானப் பணியில் ஈடுபட்டிருந்த கொல்கத்தாவைச் சோ்ந்த தொழிலாளி மின்சாரம் பாய்ந்ததில் வியாழக்கிழமை உயிரிழந்தாா்.
மேற்குவங்கம் மாநிலம், கொல்கத்தா, புா்போ மெதினாபூா் அருகே உள்ள ராய்பூரைச் சோ்ந்தவா் மும்ஷத் (55). இவா், தேனி என்.ஆா்.டி.நகரில் உள்ள தனியாா் கட்டடத்தில் கட்டுமானப் பணியில் ஈடுபட்டிருந்தாா். அப்போது கட்டடத்தின் சுற்றுச் சுவருக்கு வெளியே இருந்த இரும்புக் கம்பியை கட்டடத்துக்குள் தூக்கிச் சென்ற போது, அருகே இருந்த மின் மாற்றி மீது அந்தக் கம்பி உரசியதில், மும்ஷத் மீது மின்சாரம் பாய்ந்தது. இதில் அவா் சம்பவ இடத்திலேயே உயிரிழந்தாா்.
இதுகுறித்து தேனி காவல் நிலைய போலீஸாா் வழக்குப் பதிந்து விசாரிக்கின்றனா்.
