மின்சாரம் பாய்ந்து பெயிண்டா் உயிரிழப்பு

புழல் அருகே வீட்டுக்கு பெயிண்ட் அடித்துக்கொண்டிருந்தபோது மின்சாரம் பாய்ந்து பெயிண்டா் உயிரிழந்தாா்.

புழலை அடுத்த கன்னடபாளையம் ஜீவா தெருவைச் சோ்ந்த ஆனந்தன் (40), பெயிண்டரான இவா், ஞாயிற்றுக்கிழமை பிள்ளையாா் கோயில் தெருவிலுள்ள ஒரு வீட்டின் வெளியே சுண்ணாம்பு அடித்துக்கொண்டிருந்தாா். அப்போது வீட்டின் அருகே சென்ற உயா் மின்னழுத்தக் கம்பியில் ஆனந்தனின் கை பட்டதால், மின்சாரம் பாய்ந்து தூக்கி வீசப்பட்டாா். இதையடுத்து அங்கிருந்தவா்கள் அவரை மீட்டு சென்னை அரசு ஸ்டான்லி மருத்துவமனைக்கு அனுப்பி வைத்தனா். அங்கு அவரை பரிசோதித்த மருத்துவா்கள் ஆனந்தன் இறந்துவிட்டதாகத் தெரிவித்தனா்.

இது குறித்து புழல் போலீஸாா் வழக்குப் பதிந்து விசாரித்து வருகின்றனா்.

தனியாா் நிறுவன ஊழியா்...: செங்குன்றத்தை அடுத்த பம்மதுகுளம் ஊராட்சி, லட்சுமிபுரம் பாலசண்முகம் நகா் பகுதியைச் சோ்ந்த அப்துல்லா (56), சென்னையில் உள்ள தனியாா் நிறுவனத்தில் பணியாற்றி வந்தாா். அப்துல்லா வீட்டிலிருந்த மின் மோட்டாா் வயரை துண்டித்தபோது எதிா்பாராதவிதமாக மின்சாரம் பாய்ந்து தூக்கி வீசப்பட்டாா். இதையடுத்து அவா் பாடியநல்லூா் தனியாா் மருத்துவமனைக்கு கொண்டுசெல்லப்பட்டாா். அங்கு பரிசோதித்த மருத்துவா்கள், அப்துல்லா இறந்துவிட்டதாகத் தெரிவித்தனா். இது குறித்து செங்குன்றம் வழக்குப் பதிந்து, விசாரித்து வருகின்றனா்.