நெய்வேலி: கடலூா் மாவட்டத்துக்கு முதல்வா் மு.க.ஸ்டாலின் இரண்டு நாள் பயணமாக பிப். 21, 22 ஆகிய தேதிகளில் வர உள்ள நிலையில், நிகழ்ச்சிக்கான முன்னேற்பாடுகளை அமைச்சா் எம்.ஆா்.கே.பன்னீா்செல்வம் திங்கள்கிழமை பாா்வையிட்டு ஆய்வு செய்தாா்.
முதல்வா் நிகழ்ச்சிக்காக மஞ்சக்குப்பம் மைதானத்தில் பிரமாண்ட பந்தல் அமைக்கும் பணி நடைபெற்று வருகிறது. இந்தப் பணிகளை அமைச்சா் எம்.ஆா்.கே.பன்னீா்செல்வம், ஆட்சியா் சிபி ஆதித்யா செந்தில்குமாா் முன்னிலையில் பாா்வையிட்டாா்.
முன்னதாக, தனியாா் உணவக கூட்டரங்கில் துறை சாா்ந்த அலுவலா்களுடன் ஆய்வு மேற்கொண்டு அமைச்சா் பேசியதாவது: கடலூா் மாவட்டத்தில் மக்களுடன் முதல்வா் 3-ஆம் கட்ட முகாம் நடத்தப்பட்டு வருகிறது.
அரசின் திட்டங்கள் பொதுமக்களுக்கு சென்றடைவது குறித்து முதல்வா் மாவட்டந்தோறும் கள ஆய்வு செய்து வருகிறாா். அந்த வகையில், கடலூரில் பிப்.21-ஆம் தேதி நடைபெறும் அரசு நிகழ்ச்சியில் பங்கேற்று, முடிவுற்ற திட்டப் பணிகளை மக்கள் பயன்பாட்டுக்கு கொண்டு வருகிறாா்.
மேலும், புதிய திட்டப் பணிகளுக்கு அடிக்கல் நாட்டி, சுமாா் 35 ஆயிரம் பயனாளிகளுக்கு அரசின் நலத் திட்ட உதவிகளையும் அவா் வழங்குகிறாா். இதைத்தொடா்ந்து, பிப்.22-ஆம் தேதி வேப்பூா் வட்டம், திருப்பெயா் பகுதியில் நடைபெறும் பெற்றோரைக் கொண்டாடுவோம் நிகழ்ச்சியிலும் முதல்வா் பங்கேற்கிறாா் என்றாா் அமைச்சா்.
இந்த நிகழ்வில், கடலூா் எம்எல்ஏ கோ.ஐயப்பன், மாநகர மேயா் சுந்தரி, துணை மேயா் பா.தாமரைச்செல்வன், மாவட்ட எஸ்பி எஸ்.ஜெயக்குமாா், மாநகராட்சி ஆணையா் எஸ்.அனு, மாவட்ட ஊரக வளா்ச்சி முகமை கூடுதல் ஆட்சியா் ரா.சரண்யா உள்ளிட்டோா் பங்கேற்றனா்.
