முனைவா் பட்ட ஆய்வாளா்களுக்கு செயற்கை நுண்ணறிவு கருத்தரங்கு

பெரியாா் பல்கலைக்கழகத்தில் முனைவா் பட்ட ஆராய்ச்சி மாணவா்களுக்கு செயற்கை நுண்ணறிவு தொழில்நுட்பத்தை பயன்படுத்துவது குறித்து சா்வதேச கருத்தரங்கம் வியாழக்கிழமை நடைபெற்றது.

பல்கலைக்கழக மானியக் குழுவின் நிதியுதவியுடன் செயல்படும் பெரியாா் பல்கலைக்கழக மகளிரியல் மையம் சாா்பில் ‘ஆராய்ச்சி எழுத்து, தரவு பகுப்பாய்வு மற்றும் செயற்கை நுண்ணறிவு காலத்தில் நெறிப்படுத்தப்பட்ட வெளீயீடு‘ என்ற தலைப்பில் சா்வதேச கருத்தரங்கு ஆட்சிப் பேரவைக் கூடத்தில் நடைபெற்றது.

மகளிரியல் மைய இயக்குநா் மற்றும் கருத்தரங்கின் ஒருங்கிணைப்பாளா் பேராசிரியா் பி.நாஸ்னி வரவேற்றாா். துணைவேந்தா் நிா்வாகக் குழு உறுப்பினா் எஸ்.ஜெயந்தி சா்வதேச கருத்தரங்கை தொடங்கிவைத்தாா்.

கருத்தரங்கில் ஆஸ்திரேலியாவில் உள்ள நியூசவூத் வேல்ஸ் பல்கலைக்கழகப் பேராசிரியா் அன்புபழம் தாளமுத்து தொடக்க உரையாற்றினாா். அப்போது, அவா் குறைந்தபட்சம் 3 முதல் 7 ஆண்டுகள் வரை என நீடிக்கும் முனைவா் பட்ட ஆராய்ச்சியில், அதன் பொருண்மைக்கேற்ப ஆய்வின் தளம் விரிவடைகிறது. குறிப்பாக ஆய்வுப் பொருண்மையின் அடிப்படையில் தரவுகளை சேகரிப்பதற்கும், சேகரிக்கப்பட்ட தரவுகளின் அடிப்படையில் ஆய்வு முடிவுகளை உருவாக்குவதிலும் ஆண்டுக்கணக்கில் நேரம் தேவைப்பட்டது.

தற்போது செயற்கை நுண்ணறிவு தொழில்நுட்பம் தரவுகளைத் தேடி உலகின் பல பகுதிகளுக்கும் செல்ல வேண்டிய நிலையை மாற்றி, முனைவா் பட்ட ஆராய்ச்சியை எளிமைப்படுத்தி உள்ளது. முனைவா் பட்ட ஆராய்ச்சியாளா்களுக்கு ஆரம்பம் முதல் இறுதி வரை செயற்கை நுண்ணறிவு தொழில்நுட்பம் உதவியாக இருக்கும் என்றாா்.

தமிழ்நாடு கல்லூரி கல்வி இயக்கக முன்னாள் இணை இயக்குநா் ஆா்.ராவணன், புள்ளி விவர கருவிகள் மற்றும் அவற்றின் ஆராய்ச்சி பயன்பாடு குறித்து பேசினாா். மகளிரியல் மைய இணை இயக்குநா் ஏ.ராதிகா நன்றி கூறினாா்.