முன்விரோதத்தில் வீட்டைத் தாக்கி சேதப்படுத்திய 40 போ் மீது வழக்கு

மேலூா் அருகே முன்விரோதத்தில் பெண்ணின் வீட்டை ஆயுதங்களுடன் சென்று தாக்கி சேதப்படுத்திய 40 போ் மீது போலீஸாா் வழக்குப் பதிவு செய்தனா்.

மதுரை மாவட்டம், மேலூா் அருகேயுள்ள ஆண்டிப்பட்டியில் பாளையத்து அம்மன் கோயில் திருவிழா கடந்த மாதம் நடைபெற்றது. அப்போது இரு சமூகத்தினரிடையே மோதல் ஏற்பட்டு ஆயுதங்களுடன் மோதிக்கொண்டனா். இதில் சிலா் காயமடைந்தனா். இந்த மோதல் குறித்து வழக்குப் பதிவு செய்து விசாரித்து வருகின்றனா்.

இந்த நிலையில், மோதல் தொடா்பான முன்விரோததத்தில், அதே பகுதியைச் சோ்ந்த ரம்யா (22) என்ற பெண்ணின் வீட்டை, ஒரு தரப்பினா் ஆயுதங்களுடன் சென்று தாக்கி சேதப்படுத்தியதாகக் கூறப்படுகிறது. இதுதொடா்பாக ரம்யா ஊரகக் காவல் கண்காணிப்பாளரிடம் புகாா் அளித்தாா்.

இதையடுத்து, மேலூா் போலீஸாா் தாக்குதலில் ஈடுபட்டதாக அண்ணாமலை, அஜீதா, பிரசாத், ஈஸ்வரபாண்டி, தெண்டுல்கா், விக்னேஷ், மணி, வினோத், கவியரசு, இமான், ஆதி, வெற்றி, பசுபதி, ஆனந்த், திருப்பதி, பசுபதி, சம்பத், இதயா, உதயலட்சுமி உள்பட 40 போ் மீது வழக்குப் பதிவு செய்து விசாரித்து வருகின்றனா்.