முல்​லைப் பெரி​யாறு அணை விவ​கா​ரம்: மத்​திய அரசு மீது உச்​ச​நீ​தி​மன்​றம் அதி​ருப்தி

​ந​மது நிரு​பர்

" நாடா​ளு​மன்​றத்​தால் இயற்​றப்​பட்ட அணைப் பாது​காப்​புச் சட்டம் இருந்​தும், நிர்​வா​கம் இன்​னும் நீண்ட தூக்​கத்​தி​லி​ருந்து மீள​வில்லை' என்று முல்​லைப் பெரி​யாறு அணை தொடர்​பான வழக்​கில் உச்​ச​நீ​தி​மன்​றம் புதன்​கி​ழமை தனது அதி​ருப்​தியை வெளிப்​ப​டுத்​தி​யது.

இது தொடர்​பான வழக்கு உச்​ச​நீ​தி​மன்​றத்​தில் நீதி​ப​தி​கள் சூர்ய காந்த், தீபாங்​கர் தத்தா மற்​றும் உஜ்​ஜல் புயான் ஆகி​யோர் அடங்​கிய அமர்வு முன் விசா​ர​ணைக்கு வந்​தது.

அப்​போது, 130 ஆண்​டு​கள் பழை​மை​யான இந்த அணை​யின் பாது​காப்பு தொடர்​பாக உச்​ச​நீ​தி​மன்​றத்​தில் நடந்து வரும் விசா​ரணை நட​வ​டிக்​கை​க​ளைத் தாம​தப்​ப​டுத்​தும் வகை​யில், 2021-ஆம் ஆண்டு அணை பாது​காப்​புச் சட்டத்தை மத்​திய அரசு இயற்​றி​ய​தா​க​வும், அப்​போ​தி​லி​ருந்து எது​வும் நடக்​க​வில்லை என்​றும் கேரள அர​சுத் தரப்​பில் தெரி​விக்​கப்​பட்​டது.

அப்​போது, சட்டத்​தின் கீழ் பரிந்​து​ரைக்​கப்​பட்ட அணை​யின் பாது​காப்​புக்கு தேசி​யக் குழுவை மத்​திய அரசு இன்​னும் அமைக்​க​வில்லை என்று நீதி​ப​தி​கள் அமர்வு தெரி​வித்​த​னர்.

மேலும், அணைப் பாது​காப்​புச் சட்டத்தை நாடா​ளு​மன்​றம் இயற்​றிய போதி​லும், நிர்​வா​கம் இன்​னும் நீண்ட தூக்​கத்​தி​லி​ருந்து எழுந்து கொள்​ள​வில்லை என்​பதை அறிந்து நாங்​கள் வியப்​ப​டை​கி​றோம் என்று நீதி​ப​தி​கள் கூறி​னர்.

தமி​ழ​கம் சார்​பில் ஆஜ​ரான மூத்த வழக்​கு​ரை​ஞர் வி.கி​ருஷ்​ண​மூர்த்தி கூறு​கை​யில், "தொடர்​பு​டைய சட்டத்​தின் கீழ், அணை பாது​காப்பு ஆணை​யத்தை மத்​திய அரசு உரு​வாக்​கி​யுள்​ளது. அணை​யின் கட்ட​மைப்பு குறித்து தணிக்கை செய்​யப்​பட உள்​ளது' என்​றார்.

அப்​போது நீதி​ப​தி​கள் கூறு​கை​யில், "அணைப் பாது​காப்​புச் சட்டத்​தின் பிரிவு 5(2)-இன் கீழ், பிரிவு 5(1)-இன் கீழ் பரிந்​து​ரைக்​கப்​பட்ட உறுப்​பி​னர்​க​ளைக் கொண்ட தேசி​யக் குழு, இச்​சட்​டம் செயல்​ப​டத் தொடங்​கிய நாளி​லி​ருந்து 60 நாள்​க​ளுக்​குள் அமைக்​கப்​பட வேண்​டும். மேலும், அதன் பிறகு அக்​குழு ஒவ்​வொரு மூன்று வரு​டங்​க​ளுக்​கும் மீண்​டும் அமைக்​கப்​பட வேண்​டும்.

இத்​த​கைய தேசி​யக் குழு இது​வரை அமைக்​கப்​ப​ட​வில்லை என எங்​க​ளுக்​குத் தெரி​விக்​கப்​ப​டு​கி​றது. மேலும், சம்​பந்​தப்​பட்ட தேசி​யக் குழு​வின் அர​சி​ய​ல​மைப்பு, அமைப்பு அல்​லது செயல்​பா​டு​கள் தொடர்​பான விதி​கள், விதி​மு​றை​கள் கூட வகுக்​கப்​ப​ட​வில்லை. இத​னால், இந்த விவ​கா​ரத்​தில் மத்​திய அரசு பதில் அளிக்க நோட்டீஸ் அனுப்​பப்​பட வேண்​டும். மேலும், இச்​சட்​டத்​தின் கீழ் தேசிய அணைப் பாது​காப்பு ஆணை​யத்​தின் பொறுப்பு தொடர்​பாக மத்​திய அர​சின் தலை​மைச் சட்ட ஆலோ​ச​கர், அந்த அமைப்​பி​ட​மி​ருந்து விவ​ரம் பெற்​றுத் தெரி​விக்க வேண்​டும்' என்​ற​னர்.

முன்​ன​தாக, "முல்​லைப்​பெ​ரி​யா​றில் தேக்​கி​வைக்​கப்​பட்​டுள்ள நீர், அணைக்கு சேதத்தை ஏற்​ப​டுத்​தி​னால் அணை​யின் கீழ்ப் பகு​தி​யில் வசிக்​கும் 50 முதல் 60 லட்சம் மக்​கள் பாதிக்​கப்​ப​டு​வார்​கள் என்​ப​தால், அணை​யின் பாது​காப்பு குறித்த உச்​ச​நீ​தி​மன்​றத்​தின் உத்​த​ரவை மறு​ஆய்வு செய்ய வேண்​டும்' என்று மனு​தா​ரர் மேத்​யூஸ் ஜெ. நெ​டும்​பாறை கோ​ரி​னார்.