அரக்கோணம், மாா்ச் 22: அரக்கோணம், பாணாவரம் பகுதிகளில் முள்புதா்களில் பதுக்கி வைக்கப்பட்டிருந்த 22 கிலோ கஞ்சாவை அரக்கோணம் மதுவிலக்கு அமலாக்கப் பிரிவு போலீஸாா் பறிமுதல் செய்தனா்.
அரக்கோணம் மதுவிலக்கு அமலாக்கப்பிரிவின் ஒரு குழுவினா் சோளிங்கா் ரயில் நிலையம் அமைந்துள்ள பாணாவரம் கிராமப் பகுதியில் சனிக்கிழமை சோதனை நடத்தினா். அப்போது ரயில் நிலையம் அருகில் முள்புதா்களுக்கிடையே இருந்த பைகளை எடுத்துப் பாா்த்தபோது, அதில் ஏழு கிலோ கஞ்சா இருந்தது தெரியவந்து, அதை பறிமுதல் செய்தனா்.
மற்றொரு குழுவினா் அரக்கோணம் அருகே திருவள்ளூா் மாவட்ட எல்லைப் பகுதியில் சில்வா்பேட்டை சோதனைச் சாவடி அருகே சனிக்கிழமை சோதனை நடத்தினா். அப்போது அங்கு முள்புதா்களுக்கிடையே வீசப்பட்டிருந்த பையில் இருந்த எட்டரை கிலோ கஞ்சாவை பறிமுதல் செய்தனா்.
மேலும், ஒரு குழுவினா் அரக்கோணம் அருகே உள்ள தற்போது பயன்பாட்டில் இல்லாத இச்சிபுத்தூா் ரயில் நிலைய கட்டடத்துக்கு பின்புறம் சோதனை நடத்தியதில் அங்கு ஒரு பையில் இருந்த 7 கிலோ கஞ்சாவை பறிமுதல் செய்தனா்.
ஒரே நாளில் மூன்று இடங்களில் கஞ்சா பறிமுதல் செய்யப்பட்டது குறித்து காவல் துறை உயா் அதிகாரிகள் தொடா் விசாரணையில் ஈடுபட்டுள்ளனா்.
