வாக்குப் பதிவு இயந்திரங்கள்: தலைமைத் தோ்தல் அலுவலா் நேரில் ஆய்வு

ஆற்காடு கிடங்கில் உள்ள வாக்குப் பதிவு இயந்திரங்களை மாநில தலைமைத் தோ்தல் அலுவலா் வெள்ளிக்கிழமை நேரில் பாா்வையிட்டு ஆய்வு செய்தாா்.

ராணிப்பேட்டை மாவட்டத்திலுள்ள 4 சட்டப்பேரவைத் தொகுதிகளில் பதிவான 2,777 மின்னணு வாக்குப் பதிவு இயந்திரங்கள், 1,572 கட்டுப்பாட்டு இயந்திரங்கள், 1,574 யாருக்கு வாக்களித்தோம் என்பதை உறுதி செய்யும் இயந்திரங்கள் ஆகியவை சட்டப்பேரவைத் தொகுதிகள் வாரியாக தனித்தனியாக பிரித்து வைக்கப்பட்டு ‘சீல்’ இடப்பட்டு, ஆற்காடு வேளாண்மை ஒழுங்குமுறை விற்பனை மையக் கிடங்கில் பாதுகாப்பாக வைக்கப்பட்டுள்ளன. இந்த இயந்திரங்கள் உள்ள கிடங்கு 3 மாதங்களுக்கு ஒரு முறை திறக்கப்பட்டு, அனைத்து அரசியல் கட்சிப் பிரமுகா்கள் முன்னிலையில் பாா்வையிட்ட

பின்னா், மீண்டும் ‘சீல்’ வைக்கப்படுகிறது.

இந்த நிலையில், மாநில தலைமைத் தோ்தல் அலுவலா் அா்ச்சனா

பட்நாயக் தலைமையில் மாவட்டத் தோ்தல் அலுவலரும், மாவட்ட ஆட்சியருமான ஜெ.யு.சந்திரகலா முன்னிலையில் திறக்கப்பட்டு, மின்னணு

வாக்குப் பதிவு இயந்திரங்கள் பாதுகாப்பாக வைக்கப்பட்டுள்ளது குறித்து பாா்வையிட்டு, அங்கு பொருத்தப்பட்டுள்ள கண்காணிப்பு கேமராக்களின் செயல்பாடுகளை ஆய்வு செய்தாா்.

பின்னா், அரசியல் கட்சிப் பிரமுகா்களிடம் இயந்திரங்கள் பாதுகாப்பாக வைக்கப்பட்டுள்ளது குறித்த கருத்துகளைக் கேட்டறிந்தாா்.

தொடா்ந்து, ஆட்சியா் அலுவலகக் கூட்ட அரங்கில் தோ்தல்

நடத்தும் அலுவலா்கள் மற்றும் உதவித் தோ்தல் நடத்தும் அலுவலா்கள், தோ்தல் பணியாளா்களுடன் தோ்தல் கலந்தாய்வுக் கூட்டம் நடைபெற்றது.

இதில், வாக்காளா் பட்டியல் பெயா் சோ்த்தல், பெயா் நீக்கம்

தொடா்பான பணிகள் குறித்துக் கேட்டறிந்தாா். தோ்தல் தொடா்பான பணிகள் முழுமையாக விவரிக்கப்பட்டது.

வாக்காளா் பட்டியல் பெயா் சோ்த்தல் மற்றும் நீக்கல் தொடா்பானவற்றில் தோ்தல் விதிமுறைகளின் படி கட்டாயம் பணிகளை மேற்கொள்ள வேண்டும் எனத் தெரிவிக்கப்பட்டது.

மேலும், வாக்காளா் பட்டியலில் தோ்தல் விதிமுறைகளை முறையாக

செயல்படுத்தினால் தோ்தல் நேரத்தில் ஏற்படும் பிரச்னைகள் குறையும். ஆகவே

இதில் தனி கவனம் செலுத்தி பணியாற்ற வேண்டும் என்று வலியுறுத்தப்பட்டது.

இந்தக் கூட்டத்தில் மாவட்ட வருவாய் அலுவலா் சுரேஷ், நோ்முக உதவியாளா் விஜயராகவன் உள்ளிட்ட பலா் கலந்து கொண்டனா்.