மேட்டூர் அணைக்கு நீர்வரத்து சரிவு!

மேட்டூர் அணைக்கு வரும் நீரின் அளவு வினாடிக்கு 56,000 கன அடியிலிருந்து வினாடிக்கு 35, 500 கன அடியாக சரிந்தது.

கர்நாடக மாநிலத்தில் உள்ள கபினி மற்றும் கிருஷ்ணராஜசாகர் அணைகளில் இருந்து திறக்கப்படும் உபரி நீரின் அளவு குறைக்கப்பட்டதால் புதன்கிழமை காலை மேட்டூர் அணைக்கு வரும் நீரின் அளவு வினாடிக்கு 56,000 கன அடியிலிருந்து வினாடிக்கு 35, 500 கன அடியாக சரிந்தது.

அணைக்கு நீர் வரத்து குறைந்ததால் அணையில் இருந்து திறக்கப்படும் நீரின் அளவு வினாடிக்கு 56 ஆயிரம் கன அடியிலிருந்து வினாடிக்கு 35 ஆயிரத்து 500 கன அடியாக குறைக்கப்பட்டுள்ளது.

புதன்கிழமை காலை மேட்டூர் அணையின் நீர்மட்டம் 120 அடியாகவும் நீர் இருப்பு 93.47 டி.எம்.சியாகவும் இருந்தது.

கிழக்கு-மேற்கு கால்வாய் பாசனத்திற்கு வினாடிக்கு 500 கன அடி வீதம் தண்ணீர் திறக்கப்பட்டு வருகிறது.

நீர்மின் நிலையங்கள் வழியாக வினாடிக்கு 22,500 கன அடி நீரும், உபரிநீர் போக்கி வழியாக வினாடிக்கு 12,500 கன அடி நீரும் திறக்கப்பட்டு வருகிறது.

இன்று வெப்பநிலை 3 டிகிரி செல்சியஸ் அதிகரிக்கும்

Summary

The amount of water entering the Mettur dam has dropped from 56,000 cubic feet per second to 35,500 cubic feet per second.