மேலும் இரு கோயில்களில் நாள் முழுவதும் அன்னதான திட்டம்: முதல்வா் மு.க.ஸ்டாலின் தொடங்கி வைத்தாா்

தமிழகத்தில் மேலும் இரண்டு கோயில்களில் நாள் முழுவதும் அன்னதானம் வழங்கும் திட்டத்தை முதல்வா் மு.க.ஸ்டாலின் தொடங்கி வைத்தாா். இதற்கான நிகழ்ச்சி தலைமைச் செயலகத்தில் வியாழக்கிழமை நடைபெற்றது.

இதுகுறித்து தமிழக அரசு வெளியிட்ட செய்திக்குறிப்பு: திருக்கோயில்களில் நாள் முழுவதும் அன்னதானம் வழங்கும் திட்டம் ஸ்ரீரங்கம் அரங்கநாத சுவாமி கோயில், பழனி தண்டாயுதபாணி சுவாமி கோயில் ஆகிய இரு திருக்கோயில்களில் செயல்படுத்தப்பட்டு வந்த நிலையில், திமுக அரசு பொறுப்பேற்றபின், கூடுதலாக 9 கோயில்களில் நாள் முழுவதும் அன்னதானத் திட்டம் தொடங்கி வைக்கப்பட்டது. தமிழ்நாட்டில் தற்போது மொத்தம் 11 கோயில்களில் நாள் முழுவதும் அன்னதானமும், 760 திருக்கோயில்களில் ஒருவேளை அன்னதானமும் வழங்கும் திட்டம் செயல்படுத்தப்பட்டு வருகிறது. இத்திட்டத்துக்காக ரூ.110 கோடி செலவிடப்படுவதோடு, ஆண்டுதோறும் சுமாா் 3 கோடியே 36 லட்சம் பக்தா்கள் பயன்பெற்று வருகின்றனா்.

மேலும் இரு கோயில்களில்....: நாள் முழுவதும் அன்னதானம் வழங்கும் திட்டத்தை விரிவுபடுத்தும் விதமாக, மதுரை மாவட்டம், அழகா்கோவில்- கள்ளழகா் கோயில் மற்றும் கோயம்புத்தூா் மாவட்டம் மருதமலை சுப்பிரமணியசுவாமி கோயில் ஆகிய இரண்டு கோயில்களில் இத்திட்டத்தை முதல்வா் மு.க.ஸ்டாலின் வியாழக்கிழமை தொடங்கி வைத்தாா். பழனி தண்டாயுதபாணி சுவாமி கோயில் சாா்பாக நடத்தப்படும் பள்ளி மற்றும் கல்லூரிகளில் பயிலும் மாணவா்களுக்கு மதிய உணவு வழங்கும் திட்டத்தையும் காணொலி வாயிலாக அவா் தொடக்கி வைத்தாா். இதன்மூலம் 5,775 மாணவ, மாணவியா் பயன்பெறுவா். கல்லூரிகளில் காலை சிற்றுண்டி மற்றும் மதிய உணவு வழங்கும் திட்டம் இந்து சமய அறநிலையத்துறை கோயில் கட்டுப்பாட்டிலுள்ள கல்லூரிகளில் தான் முதல்முதலில் செயல்படுத்தப்பட்டுள்ளது குறிப்பிடத்தக்கது என்று செய்திக் குறிப்பில் தெரிவிக்கப்பட்டுள்ளது.

இந்நிகழ்ச்சியில், இந்து சமய அறநிலையத் துறை அமைச்சா் பி.கே.சேகா்பாபு, தலைமைச் செயலா் நா.முருகானந்தம், இந்து சமய அறநிலையத்துறை ஆணையா் பி.என். ஸ்ரீதா் உள்பட பலா் பங்கேற்றனா்.