மேல்நிலை நீா்த்தேக்கத் தொட்டி கட்டும் பணியை மீண்டும் தொடர வலியுறுத்தல்

திருவாடானை பாரதிநகா் பகுதியில் பாதியில் கைவிடப்பட்ட மேல்நிலை நீா்த்தேக்கத் தொட்டியை மீண்டும் தொடங்க வேண்டும் என பொதுமக்கள் கோரிக்கை விடுத்தனா்.

பாரதிநகா் பகுதியில் இருந்த தரைதள நீா்த்தேக்கத் தொட்டி பாரமரிப்பின்றி காணப்பட்டதால், அதை அகற்றிவிட்டு, குடிநீா் வடிகால் வாரியம் சாா்பில் மேல்நிலை நீா்த்தேக்கத் தொட்டி கட்டும் பணி தொடங்கின.

இதற்கான கட்டடப் பணிகள் நடைபெற்று வந்த நிலையில், கடந்த சில மாதங்களுக்கு முன்பு பணிகள் நிறுத்தப்பட்டன. இதனால், பொதுமக்களுக்கு குடிநீா் கிடைப்பதில் சிக்கல் ஏற்பட்டது.

இதனால், சம்பந்தப்பட்ட துறையினா் மேல்நிலை நீா்த்தேக்கத் தொட்டி கட்டும் பணியை மீண்டும் தொடங்கி, குடிநீா்த் தட்டுப்பாட்டைப் போக்க நடவடிக்கை எடுக்க வேண்டும் என இந்தப் பகுதி பொதுமக்கள் கோரிக்கை விடுத்தனா்.