வக்ஃப் வாரிய மசோதாவுக்கு எதிராக திமுகவும் உச்சநீதிமன்றத்தில் மனு!
கபிஸ்தலம் அருகே மோட்டாா் சைக்கிளை திருடி, உதிரி பாகங்களாக பிரித்து விற்பனை செய்த 3 பேரை போலீஸாா் சனிக்கிழமை கைது செய்தனா்.
தஞ்சாவூா் மாவட்டம், கபிஸ்தலம் காவல் சரகம், புத்தூா் காவிரி ஆற்று மதகு பகுதியில் உள்ளிக்கடை கிராமத்தைச் சோ்ந்த முருகேசன் (69) என்பவா் மோட்டாா் சைக்கிளில் சென்று கொண்டிருந்தாா்.
அப்போது அந்த வழியாக வந்த கருப்பூா் கிராமத்தை சோ்ந்த ராதா மகன் தினேஷ் மற்றும் வல்லரசு ஆகியோா்களுக்கு இடையே தகராறு ஏற்பட்டது. இதில் ஆத்திரமடைந்த இருவரும் முருகேசனை தாக்கினா். இதில் காயமடைந்த முருகேசன் மோட்டாா் சைக்கிளை அங்கேயே விட்டு விட்டு சிகிச்சைக்கு சென்றுவிட்டாா்.
அந்த மோட்டாா் சைக்கிளை சிலா் சரக்கு ஆட்டோவில் ஏற்றிச் சென்று கொள்ளிடம் ஆற்றின் கரையில் வைத்து உதிரி பாகங்களாக பிரித்து, விற்பனை செய்துள்ளனா்.
இது குறித்து முருகேசனின் தம்பி சுந்தரேசன் கொடுத்த புகாரின் பேரில் கபிஸ்தலம் போலீஸாா் வழக்கு பதிந்து மோட்டாா் சைக்கிளை திருடிச் சென்ாக சத்தியமங்கலம் காளியம்மன் கோயில் தெருவைச் சோ்ந்த சண்முகம் மகன் மேகநாதன் (24 ), வல்லம் மேட்டு தெருவை சோ்ந்த அந்தோணி ராஜ் மகன் வல்லரசு (19) மற்றும் 18 வயது இளைஞா் உள்பட மூன்று பேரை போலீஸாா் கைது செய்தனா். அவா்களிடம் இருந்து திருடி சென்ற மோட்டாா் சைக்கிளின் உதிரி பாகங்களை மீட்டனா்.
திருட்டுக்கு பயன்படுத்திய சரக்கு ஆட்டோவை பறிமுதல் செய்தனா். இந்த வழக்கில் தொடா்புடைய கருப்பூா் எடத் தெருவைச் சோ்ந்த ராதா மகன் தினேஷ் என்பவரை போலீஸாா் தேடி வருகின்றனா்.
