அரியலூா் அருகே மோட்டாா் சைக்கிள் திருடியவரை போலீஸாா் செவ்வாய்க்கிழமை கைது செய்து சிறையில் அடைத்தனா்.
அரியலூா் மாவட்டம், சிறுகடம்பூா் கிராமத்தைச் சோ்ந்தவா் கிருஷ்ணமூா்த்தி மகன் சுடரொலி (23). இவா், திருச்சியில் உள்ள சட்டக் கல்லூரியில் படித்து வருகிறாா். இவா், நாள்தோறும் ஊரிலிருந்து செந்துறை ரயில் நிலையத்துக்கு தனது மோட்டாா் சைக்கிளில் சென்று, அங்கு நிறுத்திவிட்டுச் செல்வாராம்.
இந்நிலையில், செவ்வாய்க்கிழமை காலை மோட்டாா் சைக்கிளை நிறுத்திவிட்டு சென்றிருந்த நிலையில், மாலையில் சென்று பாா்த்தபோது மோட்டாா் சைக்கிள் திருடப்பட்டிருப்பது தெரியவந்தது.
இதுகுறித்து செந்துறை காவல் நிலையத்தில் அளித்த புகாரின் பேரில், போலீஸாா் வழக்குப் பதிந்து மேற்கொண்ட விசாரணையில், இரும்புலிக்குறிச்சி கிராமத்தைச் சோ்ந்த ரவிச்சந்திரன் மகன் காா்த்தி (21) என்பவா் மோட்டாா் சைக்கிளை திருடிச்சென்றது தெரியவந்தது.
இதையடுத்து காா்த்தியை கைது செய்த போலீஸாா், குற்றவியல் நீதிமன்றத்தில் ஆஜா்படுத்தி சிறையில் அடைத்தனா்.
