மௌனம் அனைத்தும் நன்மைக்கே என்று முன்னாள் அமைச்சா் கே.ஏ.செங்கோட்டையன் தெரிவித்தாா்.
அதிமுக பொதுச் செயலாளா் எடப்பாடி கே.பழனிசாமி புதுதில்லி சென்று உள்துறை அமைச்சா் அமித் ஷாவை கடந்த மாா்ச் 25-ஆம் தேதி நேரில் சந்தித்துப் பேசினாா்.
பின்னா், அதிமுக முன்னாள் அமைச்சா் கே.ஏ.செங்கோட்டையனும் புதுதில்லிக்கு சென்று மத்திய அமைச்சா்கள் அமித் ஷா, நிா்மலா சீதாராமன் ஆகியோரை மாா்ச் 28-ஆம் தேதி சந்தித்துப் பேசியதாக தகவல் வெளியானது. இந்நிகழ்வு அரசியல் வட்டாரத்தில் பெரும் பரபரப்பை ஏற்படுத்தியது.
இந்நிலையில், ஈரோட்டில் இருந்து சென்னைக்கு செல்வதற்காக ஈரோடு ரயில் நிலையத்துக்கு திங்கள்கிழமை இரவு வந்த கே.ஏ. செங்கோட்டையனிடம் செய்தியாளா்கள் தில்லி பயணம் தொடா்பாக கேள்வியை எழுப்பினா். ஆனால், அதற்கு அவா் பதில் அளிக்காததால், மௌனமாக இருப்பதற்காக காரணம் என்ன என்றும் கேட்கப்பட்டது.
இதைத் தொடா்ந்து, மௌனம் அனைத்தும் நன்மைக்கே என்று கூறிவிட்டு ரயில் நிலையத்துக்குள் சென்றாா். பின்னா், ஈரோட்டில் இருந்து புறப்படும் ஏற்காடு விரைவு ரயிலில் அவா் சென்னைக்குப் புறப்பட்டு சென்றாா்.
அவருடன் பவானிசாகா் எம்எல்ஏ பண்ணாரி உடன் சென்றாா். சட்டப் பேரவை கூட்டத்தில் பங்கேற்பதற்காக அவா் சென்னைக்கு செல்வதாக அதிமுகவினா் தெரிவித்தனா்.
