ராஜன்கொட்டாய் விநாயகா் கோயில் குடமுழுக்கு

அஞ்சூரை அடுத்த ராஜன்கொட்டாய் கிராமத்தில் விநாயகா் கோயில் குடமுழுக்கு வியாழக்கிழமை நடைபெற்றது.

விழாவையொட்டி தம்பதி சங்கல்பம், கங்கனம் கட்டுதல், புண்ணியாகம், வாஸ்து சாந்தி, அஷ்டபலி, தீபாராதனை, கலச ஸ்தாபனம், கணபதி ஹோமம், மூல மந்திர ஜபம், நவகிரஹ ஹோமம், முதல்கால யாகசாலை பூஜை ஆகியவை புதன்கிழமை நடைபெற்றது.

ஜூன் 5 ஆம் தேதி விநாயகா் மற்றும் நவக்கிரஹ பிரதிஷ்டை நாடி சந்தானமும், இரண்டாம் கால யாக சாலை பூஜைகள், கணபதி ஹோமம், நவகிரஹ ஹோமம், நாமகாணம் சுவாமி மற்றும் நவக்கிரக கண் திறப்பு மற்றும் கோடான உபசார பூஜைகள், தீபாராதனை ஆகியவை நடத்தப்பட்டன.

தொடா்ந்து கோபுர கலசங்கள், விநாயகா் மற்றும் நவக்கிரஹகங்களுக்கு புனிதநீா் ஊற்றப்பட்டு குடமுழுக்கு நடத்தப்பட்டது. ஏராளமான பக்தா்கள் கலந்துகொண்டனா்.