ராணிப்பேட்டை மாவட்டத்தில் 2024-ஆம் ஆண்டில் 86 போ் குண்டா் தடுப்புக் காவல் சட்டத்தில் கைது செய்யப்பட்டுள்ளதாக மாவட்ட காவல் துறை சாா்பில் தெரிவிக்கப்பட்டது.
இது தொடா்பாக மாவட்ட காவல் துறை வெளியிட்ட செய்திக் குறிப்பு:
ராணிப்பேட்டை மாவட்டத்தில் 2024 ஆண்டு போதைப்பொருள் கடத்தல் மற்றும் விற்பனை செய்தவா்கள் 32 போ், போக்ஸோ வழக்குகளில் 3 போ் உள்பட 86 போ் குண்டா் தடுப்புச் சட்டத்தில் கைது செய்யப்பட்டுள்ளனா். கூட்டுக் கொள்ளை, கொள்ளை, வழிப்பறி, திருட்டு போன்ற வழக்குகளில் பதிவான 271 வழக்குளில் 172 வழக்குகளில் குற்றவாளிகள் கண்டுபிடிக்கப்பட்டு 243 எதிரிகளை கைது செய்து அவா்களிடமிருந்து ரூ.99,43,551 மதிப்பிலான பொருள்கள், பணம் பறிமுதல் செய்யப்பட்டது.
போதைப் பொருள் தடுப்பு குற்றத்தில் 240 வழக்குகள் பதிவு செய்யப்பட்டு ரூ. 20,65,560 மதிப்புள்ள 3,452 போதை மாத்திரைகள் உள்பட 193.251 கிலோ கஞ்சா பறிமுதல் செய்யப்பட்டது. கஞ்சா வழக்குகளில் சம்பந்தப்பட்ட 39 பேரின் வங்கிக் கணக்குகள் முடக்கப்பட்டன.
தடை செய்யப்பட்ட புகையிலைப் பொருள்கள் கடத்தல், விற்பனை செய்த வழக்குகளில் 317 வழக்குகள் பதிவு செய்யப்பட்டு ரூ.30,15,050 மதிப்புள்ள 4,826 கிலோ புகையிலைப் பொருள்கள் பறிமுதல் செய்யப்பட்டுள்ளது.
சட்ட விரோத மது விற்பனை செய்த வழக்குகளில் 2,574 வழக்குகள் பதிவு செய்யப்பட்டு, 2,514 எதிரிகள் கைது செய்யப்பட்டு 4,435 லிட்டா் மது மற்றும் ரூ.4,800 பறிமுதல் செய்யப்பட்டது. லாட்டரி விற்பனை செய்ததில் 2 வழக்குகள் பதிவு செய்யப்பட்டு, 2 எதிரிகள் கைது செய்யப்பட்டு ரூ.350 பறிமுதல் செய்யப்பட்டுள்ளது. சூதாட்டத்தில் ஈடுபட்டவா்கள் மீது 300 வழக்குகள் பதிவு செய்யப்பட்டு, 396 எதிரிகள் கைது செய்து அவா்களிடமிருந்து ரூ.4,59,296 பறிமுதல் செய்யப்பட்டது.
ஆற்றுமணல் திருட்டு, கடத்தல் தொடா்பாக 84 வழக்குகள் பதிவு செய்யப்பட்டு, 76 எதிரிகள் கைது செய்யப்பட்டு 99 வாகனங்கள் பறிமுதல் செய்யப்பட்டுள்ளது. 47 வழக்குகள் பதிவு செய்தும் 1,132 மனுக்கள் மீது விசாரணை செய்தும், 1,930 இணையதள புகாா்கள் மீது விசாரணை செய்தும் ரூ.37,37,841 மீட்கப்பட்டு, உரிமையாளா்களிடம் ஒப்படைக்கப்பட்டன. காணாமல்போன 250 கைப்பேசிகள் மீட்கப்பட்டு, உரிமையாளா்களிடம் ஒப்படைக்கப்பட்டன. தவிர மோசடி செய்யப்பட்ட ரூ.3,40,24,463 முடக்கம் செய்யப்பட்டுள்ளது.
22 கொலை வழக்குகள் பதிவு செய்யப்பட்டு 66 எதிரிகள் கைது செய்யப்பட்டு நடவடிக்கை எடுக்கப்பட்டுள்ளது. முன்னெச்சரிக்கை நடவடிக்கையாக பல்வேறு வழக்குகளில் ஈடுபட்ட ரௌடிகள் 58 போ் கைது செய்யப்பட்டும், 20 போ் குண்டா் தடுப்புச் சட்டத்திலும் சிறையில் அடைக்கப்பட்டுள்ளனா். 210 பேரிடம் நன்னடத்தை பிணைப் பத்திரம் பெறப்பட்டு, மேலும் முன்னெச்சரிக்கை நடவடிக்கையாக 240 போ் மீது நடவடிக்கை எடுக்கப்பட்டும் என மொத்தம் 210 போ் மீது நடவடிக்கை குற்றவியல் விசாரணை நடைமுறை சட்டப்படி நடவடிக்கை எடுக்கப்பட்டுள்ளது.
புத்தாண்டில் ராணிப்பேட்டை மாவட்ட காவல் துறை விரைந்து செயல்பட்டு, குற்றங்கள் நடவாமல் தடுப்பதில் மிகுந்த அக்கறையுடன் செயல்படும் எனத் தெரிவிக்கப்பட்டுள்ளது.
