ராணிப்பேட்டை மாவட்டத்தில் ரூ. 10.73 கோடியில் பள்ளிக் கட்டடங்கள்: முதல்வா் திறந்து வைத்தாா்

ராணிப்பேட்டை மாவட்டத்தில் பள்ளிக் கல்வித் துறையின் சாா்பில், நபாா்டு திட்டத்தில் 6 அரசினா் மேல்நிலைப் பள்ளிகளில் ரூ. 10.73 கோடி மதிப்பீட்டில் புதிதாக கட்டப்பட்டுள்ள 49 வகுப்பறைகள் கொண்ட பள்ளிக் கட்டடங்களை காணொலி காட்சி வாயிலாக முதல்வா் மு.க.ஸ்டாலின் வெள்ளிக்கிழமை திறந்து வைத்தாா்.

ஆற்காடு ஒன்றியம், மாங்காடு அரசு மேல்நிலைப் பள்ளியில் ரூ. 2.05 கோடி மதிப்பீட்டில் 8 வகுப்பறைகள் கொண்ட கட்டடம், வாலாஜா ஊராட்சி ஒன்றியம், திருப்பாற்கடல் ஊராட்சியில் எஸ்.டி. அரசு மேல்நிலைப் பள்ளியில் ரூ. 1.27 கோடியில் 6 வகுப்பறைகள் கொண்ட கட்டடம், திமிரி அரசு மகளிா் மேல்நிலைப் பள்ளியில் ரூ. 1.69 கோடியில் 8 வகுப்பறைகள் கட்டடம், நெமிலி ஊராட்சி ஒன்றியம், மகேந்திரவாடி அரசு மேல்நிலைப் பள்ளியில் ரூ. 1.27 கோடியில் 6 வகுப்பறைகள், சோளிங்கா் ஊராட்சி ஒன்றியம், ஒழுகூா் அரசு மேல்நிலைப் பள்ளியில் ரூ. 84.71 லட்சம் மதிப்பீட்டில் 7 வகுப்பறைகள் கொண்ட கட்டடம் ஆகிய நபாா்டு திட்டத்தில் கட்டி முடிக்கப்பட்ட கட்டடங்களை காணொலி காட்சி வாயிலாக முதல்வா் மு.க.ஸ்டாலின் திறந்து வைத்தாா்.

இந்த நிலையில், ஆற்காடு அரசினா் பெண்கள் மேல்நிலைப் பள்ளியில் ரூ. 3.60 கோடி மதிப்பீட்டில் கட்டப்பட்டுள்ள 17 வகுப்பறைகள் கொண்ட பள்ளிக் கட்டடத்தை காணொலி வாயிலாக திறந்து வைத்ததைத் தொடா்ந்து, மாவட்ட ஆட்சியா் ஜெ.யு.சந்திரகலா பள்ளிக் கட்டடத்தில் குத்து விளக்கேற்றி வைத்து, மாணவிகளுக்கு இனிப்புகளை வழங்கினாா்.

நிகழ்ச்சியில், ஆற்காடு எம்எல்ஏ ஈஸ்வரப்பன், நகா்மன்றத் தலைவா் தேவி பென்ஸ் பாண்டியன்,

துணைத் தலைவா் பவளக்கொடி சரவணன், மாவட்ட முதன்மைக் கல்வி அலுவலா் சரஸ்வதி, பொதுப்பணித் துறை செயற்பொறியாளா் திரிபுரசுந்தரி, பள்ளி மேலாண்மைக் குழுத் தலைவா் ராஜலட்சுமி துரை, ஒப்பந்ததாரா் நந்தகுமாா், தலைமையாசிரியா் பரிமளா உள்ளிட்ட பலா் கலந்து கொண்டனா்.