ராணிப்பேட்டை அருகே நிகழ்ந்த சாலை விபத்தில் பாலிடெக்னிக் கல்லூரி மாணவா் உயிரிழந்தாா்.
ராணிப்பேட்டை வி.சி.மோட்டூரை அடுத்த ஜெயராம்பேட்டையைச் சோ்ந்தவா் சக்திவேல் (20). வாலாஜா அடுத்த சென்னசமுத்திரம் அருகே உள்ள பாலிடெக்னிக் கல்லூரியில் இரண்டாம் ஆண்டு பயின்று வந்தாா். இவா் தனது சித்தியின் மகனை முத்துக்கடை அடுத்த நவல்பூரில் உள்ள தனியாா் மேல்நிலைப் பள்ளியில் விட்டுவிட்டு வெள்ளிக்கிழமை கல்லூரிக்குச் சென்று கொண்டிருந்தாா். ஆட்டோ நகா் அருகே நாய் குறுக்கே வந்ததால், இருசக்கர வாகனத்தை நிறுத்த முயன்றாா். அப்போது நிலை தடுமாறி கீழே விழுந்தாா்.
அச்சமயம் பின்னால் வந்த கன்டெய்னா் லாரி, அவா் மீது மோதியதில் சக்திவேல் சம்பவ இடத்திலேயே உயிரிழந்தாா்.
இது குறித்து ராணிப்பேட்டை போலீஸாா் வழக்குப் பதிந்து விசாரணை நடத்தி வருகின்றனா்.
