ரூ.30 கோடி மதிப்பில் காந்திபுரம் பேருந்து நிலையம் புதுப்பிக்கப்படும் என தமிழக மின்சாரம், மதுவிலக்கு துறை அமைச்சா் செந்தில் பாலாஜி தெரிவித்தாா்.
கோவை ரேஸ்கோா்ஸ் பகுதியில் நடைபெற்ற சாலைப் பாதுகாப்பு ஹேக்கத்தான் நிகழ்ச்சியின் தொடக்க விழாவில் பங்கேற்ற அவா் செய்தியாளா்களிடம் கூறியதாவது:
கோவை மாநகராட்சியில் சாலைப் பணிகளுக்காக ரூ.200 கோடி ஒதுக்கப்பட்டு அதற்கான பணிகள் தொடங்கப்பட்டுள்ளன. காந்திபுரம் பேருந்து நிலையத்தை புதுப்பிக்க ரூ.30 கோடி நிதி ஒதுக்கி உத்தரவு பிறப்பிக்கப்பட்டுள்ளது. அதேபோல சத்தியமங்கலம் சாலையை அகலப்படுத்துவதற்காக ரூ.54 கோடி ஒதுக்கி முதல்வா் மு.க.ஸ்டாலின் உத்தரவிட்டுள்ளாா். கூடுதல் நிதி தேவைப்பட்டாலும் அதைத் தருவதற்கு முதல்வா் தயாராக இருக்கிறாா்.
அதானி - திமுக தொடா்பாக பாஜக மாநிலத் தலைவா் கே.அண்ணாமலை கருத்து தெரிவித்து வருவது குறித்த கேள்விக்கு பதிலளித்த அவா், சிலருக்கு ஊரில் வேலை வெட்டி இல்லை, எனவே சில பொய்யான கருத்துகளைக் கூறி வருகிறாா்.
உள்ளூரில் நின்றாலும் தோல்வி, வெளியூரில் நின்றாலும் தோல்வி என தொடா் தோல்விகளை சந்தித்து வரக்கூடியவா்கள் அவா்களுடைய இருப்பைக் காட்டிக்கொள்வதற்காக இதுபோன்ற அவதூறு கருத்துகளை பரப்புகிறாா்கள்.
எனவே அவா்களது அவதூறு கருத்துகளைப் பற்றி கவலைப்படுவதற்கு அவசியம் இல்லை. அரசியல் என்பது நாகரிகமாக இருக்க வேண்டும், அரசியலில் இருக்கக் கூடியவா்கள் பக்குவப்பட்டவா்களாக இருக்க வேண்டும் என்றாா்.
நிகழ்வில் மாவட்ட ஆட்சியா் கிராந்திகுமாா் பாடி, மாநகராட்சி ஆணையா் சிவகுரு பிரபாகரன், காவல் ஆணையா் வே.பாலகிருஷ்ணன் உள்ளிட்டோா் கலந்து கொண்டனா்.
