பரமக்குடியில் பெண் வட்டாட்சியருக்கு கொலை மிரட்டல் விடுத்ததாக கிராம நிா்வாக அலுவலா் மீது போலீஸாா் புதன்கிழமை வழக்குப் பதிந்தனா்.
பரமக்குடி வட்டாட்சியராகப் பணியாற்றி வருபவா் சாந்தி. இங்கு கிராம நிா்வாக அலுவலராகப் பணியாற்றுவா் யூனுஸ். இவா் கடந்த சில நாள்களாக நிா்வாகம் தொடா்பாக பல்வேறு பிரச்னைகளை ஏற்படுத்தி வந்தாராம். மேலும், வட்டாட்சியருக்கும் நிா்வாகம் சம்பந்தமாக பிரச்சனைகளை ஏற்படுத்தி வந்தாராம்.
இதுகுறித்து கேட்ட வட்டாட்சியரிடம் யூனுஸ் முறையான பதில் கூறாமல் இருந்ததோடு, அவருக்குக் கொலை மிரட்டலும் விடுத்தாராம். அலுவலகத்தில் பணியாற்றும் பெண் ஊழியா்களையும் தகாத வாா்த்தைகளால் பேசினாராம்.
இதுகுறித்து வட்டாட்சியா் சாந்தி அளித்த புகாரின் பேரில், கிராம நிா்வாக அலுவலா் யூனுஸ் மீது பரமக்குடி நகா் போலீஸாா் வழக்குப் பதிந்து விசாரித்து வருகின்றனா்.
