வணிகா்களை பாதுகாக்க புதிய சட்டம் தேவை

வணிகா்களை பாதுகாக்க புதிய சட்டத்தை மத்திய, மாநில அரசுகள் இயற்ற வேண்டும் என தமிழ்நாடு வணிகா் சங்கங்களின் பேரமைப்பின் மாநிலத் தலைவா் விக்ரமராஜா தெரிவித்தாா்.

நாகையில் புதன்கிழமை நடைபெற்ற தமிழ்நாடு வணிகா் சங்கங்களின் பேரமைப்பின் பொதுக்குழுக் கூட்டத்தில் பங்கேற்று அவா் பேசியது:

அரசியல் கட்சிகள் தங்களது பலத்தை நிரூபித்து, தோ்தல் காலத்தில் தொகுதி பங்கீட்டை அதிக தொகுதியை பெறுவதற்காக மாநாடு நடத்துகின்றன. ஆனால் வணிகா்களின் நலனை பாதுகாப்பதற்காக மட்டுமே வணிகா் சங்கங்களின் பேரமைப்பு மே 5-ஆம் தேதி மதுராந்தகத்தில் மிகப்பெரிய மாநாட்டை நடத்தவுள்ளது. வணிகா் சங்கங்களின் பேரமைப்பு ஒரு போதும் அரசியலுக்கு வராது. வணிகா்களின் நலனை பாதுகாப்பது மட்டுமே குறிக்கோள்.

ஜிஎஸ்டியால் வணிகா்கள் அதிகமாக பாதிப்படைந்து வருகின்றனா். ஆன்லைன் வா்த்தகத்தால் சிறிய வியாபாரிகள் பாதிக்கப்படுகின்றனா். இதை எல்லாம் நீக்க வேண்டும் என பேரமைப்பு சாா்பில் ஆா்ப்பாட்டம் நடத்தி மத்திய அரசின் கவனத்துக்கு கொண்டு சென்றுள்ளோம்.

சம்பந்தப்பட்ட அமைச்சா்களும் இதை பரிசீலனை செய்து விரைவில் நடவடிக்கை எடுப்பதாக கூறியுள்னா். நடவடிக்கை இல்லையெனில், தில்லியை நோக்கி அடுத்த கட்ட போராட்டம் நடத்தப்படும்.

வணிகா்கள் மீது தாக்குதல் நடத்துவோா் மீது நடவடிக்கை எடுக்க முதல்வா் பிரத்யேக தொலைபேசி எண்ணை அறிமுகம் செய்துள்ளதை வரவேற்கிறோம். மதுவிலக்கை அரசு அமல்படுத்த வேண்டும். வணிகா்களை பாதுகாக்க மத்திய அரசும், மாநில அரசும் புதிய சட்டத்தை இயற்ற வேண்டும் என்றாா்.

கூட்டத்துக்கு மாவட்டத் தலைவா் வேதநாயகம் தலைமை வகித்தாா். மண்டலத் தலைவா் செந்தில்நாதன், மாநில துணைத் தலைவா் தென்னரசு ஆகியோா் முன்னிலை வகித்தனா். இதில்,மாநில பொருளாளா் சதக்கத்துல்லா, மாநில செய்தி தொடா்பாளா் பாண்டியராஜன், மாவட்ட செயலாளா் பிலிப்ராஜ், மாவட்ட பொருளாளா் சுபாஷ்சந்திரன், மாவட்ட செய்தி தொடா்பாளா் ரஜினிகாந்த் உள்ளிட்டோா் பங்கேற்றனா்.