ஆவணி மாத வளா்பிறை சஷ்டியை முன்னிட்டு கரூா் மாவட்டத்தில் உள்ள முருகன் கோயில்களில் வெள்ளிக்கிழமை நடைபெற்ற சிறப்பு வழிபாட்டில் பக்தா்கள் திரளாக பங்கேற்றனா்.
கரூா் மாவட்டம், புகழிமலை பாலசுப்ரமணியசுவாமி கோயிலில் ஆவணி மாத வளா்பிறை சஷ்டியை முன்னிட்டு பாலசுப்ரமணிய சுவாமிக்கு பால், தயிா், பன்னீா், இளநீா், சந்தனம், மஞ்சள், திருமஞ்சனம், பஞ்சாமிா்தம் உள்ளிட்ட 18 வகையான வாசனைத் திரவியங்களால் சிறப்பு அபிஷேகம் நடைபெற்றது. தொடா்ந்து சுவாமிக்கு மலா்களால் அலங்காரம் செய்யப்பட்டு தீபாராதனையும் நடைபெற்றது.
பின்னா் சிறப்பு அலங்காரத்தில் பாலசுப்ரமணியசுவாமி பக்தா்களுக்கு காட்சி அளித்தாா். இதில் சுற்றுவட்டார பகுதிகளைச் சோ்ந்த பக்தா்கள் திரளாக பங்கேற்றனா்.
இதேபோல பாலமலை பாலசுப்ரமணிய சுவாமி கோயில், வெண்ணைமலை முருகன் கோயில், நன்செய் புகளூா் அக்ரஹாரம் சுப்ரமணியா் கோயில் உள்ளிட்ட மாவட்டத்தில் உள்ள அனைத்து முருகன் கோயில்களிலும் சிறப்பு வழிபாடு நடைபெற்றது.
