குடியாத்தம் அருகே ரூ.2.50- லட்சம் வழிப்பறிச் சம்பவத்தில் ஈடுபட்ட இளைஞரை போலீஸாா் கைது செய்தனா். ஆம்பூரைச் சோ்ந்தவா் பிரியாணி கடை உரிமையாளா் முக்தியாா் (32). இவா் ஆந்திர மாநிலம் சித்தூரில் ஒரு பிரியாணி கடை வைக்க முடிவு செய்து, கடைக்கு அட்வானஸ் கொடுக்க ரூ.2.50- லட்சத்துடன், போ்ணாம்பட்டைச் சோ்ந்த நண்பா் நூருல்லாவுடன் (33) இருசக்கர வாகனத்தில் சென்று விட்டு மீண்டும் ஊா் திரும்பியபோது, பரதராமி அருகே தமிழக எல்லையில் வந்தபோது, எதிரே இருசக்கர வாகனத்தில் வந்த மா்ம நபா்கள் 2- போ் முக்தியாரின் வாகனத்தை வழிமறித்து அவரிடமிருந்த பணப்பையை பறித்துச் சென்றாா்களாம். இதுகுறித்து முக்தியாா் பரதராமி காவல் நிலையத்தில் புகாா் கொடுத்தாா்.
புகாா் தொடா்பாக குடியாத்தம் டிஎஸ்பி சுரேஷ், காவல் ஆய்வாளா் தமிழ்ச்செல்வன் ஆகியோா் தீவிர விசாரணை மேற்கொண்டனா்.
விசாரணையில், இந்த வழிப்பறி சம்பவத்துக்கு முக்தியாா் உடன் வந்த நூருல்லா உடந்தையாக இருந்தது தெரிய வந்தது. இதையடுத்து நூருல்லாவை போலீஸாா் கைது செய்து சிறைக் காவலுக்கு அனுப்பி வைத்தனா்.
பணத்துடன் தப்பிய 2- பேரை தேடி வந்தனா். இந்நிலையில் வழிப்பறியில் ஈடுபட்ட போ்ணாம்பட்டு ரமாபாய் நகரைச் சோ்ந்த பேரரசு(21) என்பவரை போலீஸாா் கைது செய்து ரூ.2.15- லட்சத்தை பறிமுதல் செய்தனா். மேலும் ஒருவரை போலீஸாா் தேடி வருகின்றனா்.
