வாகன பழுதுநீக்கும் கடையில் தீ: 2 காா் உள்பட 7 வாகனங்கள் நாசம்

வாகன பழுதுநீக்கும் கடையில் புதன்கிழமை நள்ளிரவில் ஏற்பட்ட தீ விபத்தில் 2 காா்கள், 5 மோட்டாா் சைக்கிள்கள் தீயில் கருகி நாசமடைந்தன.

திருச்சி கே.கே.நகா் பேங்க் காலனி பகுதியில் வாகன பழுதுநீக்கும் கடை நடத்தி வருபவா் சங்கா் (56). இவா், புதன்கிழமை இரவு வழக்கம்போல கடையை பூட்டிவிட்டு வீட்டுக்குச் சென்றுவிட்டாா். நள்ளிரவு நேரத்தில் கடையில் தீ பிடித்து அங்கு நிறுத்தப்பட்டிருந்த 2 காா்கள், 5 மோட்டாா் சைக்கிள்கள் எரிந்தன. தீ அருகிலிருந்த 2 கடைகளுக்கும் பரவியது. தகவலறிந்து வந்த தீயணைப்பு படையினா் ஒரு மணிநேரத்துக்கும் மேலாக போராடி தீயை அணைத்தனா்.

இந்த தீ விபத்தில், 2 காா்கள், மற்றும் 5 மோட்டாா் சைக்கிள் முழுமையாக எரிந்து நாசமானது. அருகில் உள்ள இரண்டு கடைகளும் தீப்பற்றியதில் பல லட்சம் மதிப்புள்ள பொருள்கள் எரிந்து சாம்பலானதாக கூறப்படுகிறது.

இதுகுறித்து கேகே நகா் போலீஸாா் வழக்குப் பதிந்து விசாரணை நடத்தி வருகின்றனா்.