வாழப்பாடி அருகே விவசாயி கொலை? மைத்துனர் உள்பட இருவரிடம் போலீஸ் விசாரணை!

வாழப்பாடி அருகே விவசாயி உயிரிழந்த விவகாரத்தில் உறவினர்கள் இருவரிடம் காவல் துறையினர் விசாரணை நடத்தி வருகின்றனர்.

சேலம் மாவட்டம் வாழப்பாடி அருகே 4 மாதங்களுக்கு முன் மாயமான விவசாயியை அவரது சகோதரியின் கணவரே தனது நண்பருடன் சேர்ந்து கொலை செய்தது, 4 மாதங்களுக்கு பிறகு தற்போது தெரியவந்துள்ளது. இதுதொடர்பாக, இருவரையும் பிடித்து வாழப்பாடி போலீஸார் தீவிர விசாரணை நடத்தி வருகின்றனர்.

சேலம் மாவட்டம் வாழப்பாடி அடுத்த அத்தனூர்பட்டி புதூர் கிராமத்தைச் சேர்ந்தவர் விவசாயி முனியன் (46). இவருக்கு செல்வி (37) என்ற மனைவியும் இரு மகன்களும் உள்ளனர்.

கடந்த பிப்ரவரி மாதம் வீட்டில் இருந்து தனது இரு சக்கர வாகனத்தில் வெளியே சென்று வருவதாகக் கூறிவிட்டுச் சென்ற விவசாயி முனியன், அதன்பின்னர் வீடு திரும்பவில்லை. உறவினர்கள், நண்பர்களிடம் விசாரித்தும் அவர் எங்கு சென்றார்? என்ன ஆனார்? என்பது குறித்த தகவல்கள் எதுவும் கிடைக்கவில்லை. இதனால், இவரது மனைவி, மகன்கள் சோகத்தில் மூழ்கினர்.

இந்த நிலையில், காணாமல் போன தனது கணவரை கண்டுபிடித்து தருமாறு இவரது மனைவி செல்வி வாழப்பாடி காவல் நிலையத்தில் புகார் அளித்தார்.

இவரது புகாரின் பேரில், வாழப்பாடி போலீஸார் விசாரணை நடத்தி வந்த நிலையில், முனியனின் சகோதரிகள் ராணி, நீலா ஆகிய இருவரையும் திருமணம் செய்து கொண்ட அதேப் பகுதியைச் சேர்ந்த கட்டடத் தொழிலாளியான அவரின் மைத்துனர் வெங்கடாஜலம், தனது நண்பர் சேகர் என்பவருடன் சேர்ந்து முனியனை அடித்து கொலை செய்திருக்கலாம் என சந்தேகம் ஏற்பட்டது.

இதனையடுத்து சந்தேகத்திற்குரிய இருவரையும் பிடித்து வாழப்பாடி காவல் துறை அதிகாரிகள் விசாரணை நடத்தி வருகின்றனர். போலீஸார் நடத்திய முதற்கட்ட விசாரணையில், கொலையுண்ட விவசாயி முனியன், தனது உடன்பிறந்த சகோதரியான நீலாவுடன் நெருங்கி பழகி வந்ததால், இருவருக்கும் இடையே தகாத உறவு இருக்கலாமென சந்தேகம் அடைந்த கட்டட தொழிலாளி வெங்கடாஜலம் தனது நண்பர் சேகருடன் சேர்ந்து முனியனை அடித்து கொலை செய்தது தெரியவந்துள்ளது.

கொலை செய்த தடயங்களை மறைக்க, முனியனின் உடலை எடுத்துச் சென்று எரித்திருக்கலாம் அல்லது எங்கேயாவது புதைத்து வைத்திருக்கலாம் என்பதால் உடலைத் தேடும் பணியில் காவல் துறை அதிகாரிகள் ஈடுபட்டுள்ளனர்.

கொலையுண்ட முனியனின் இருசக்கர வாகனம் வாகனத்தை துக்கியாம்பாளையம் கமலாலயம் அருகிலுள்ள பயன்படாத விவசாயி கிணற்றில் கிடப்பது போலீசாருக்கு தெரிவந்துள்ளது. விவசாயி முனியனை எப்போது? எங்கே? எப்படி கொன்றார்கள்? எங்கு எடுத்துச் சென்று எரித்தார்களா? அல்லது புதைத்து வைத்துள்ளனரா? என்பது குறித்து, வாழப்பாடி போலீஸ் மாவட்டக் காவல் கண்காணிப்பாளர் சுரேஷ்குமார், காவல் ஆய்வாளர் வேல்முருகன் ஆகியோர் தீவிர விசாரணை நடத்தி வருகின்றனர்.

கிணற்றில் கிடக்கும் இருசக்கர வாகனத்தை தீயணைப்பு படையினர் உதவியுடன் மீட்க நடவடிக்கை மேற்கொண்டுள்ளனர். விவசாயி முனியனை உறவினர்களே சேர்ந்து கொலை செய்த விவகாரம் அந்தப் பகுதியில் பரபரப்பை ஏற்படுத்தியுள்ளது.

It has now been revealed after 4 months that a farmer who went missing near Vazhapadi in Salem district four months ago was murdered by his sister's husband along with his friend.

இதையும் படிக்க... குறைதீர் கூட்டத்தில் கூடுதல் ஆணையருக்கு அடி, உதை..! தரதரவென வெளியே இழுத்துச் செல்லப்பட்டதால் பரபரப்பு!