விசைத்தறியாளா்களின் கோரிக்கைகளை நிறைவேற்ற வேண்டும்: எம்எல்ஏ ஈஸ்வரன்

திருச்செங்கோடு: விசைத்தறியாளா்களின் கோரிக்கைகளை அமைச்சா்கள் உடனடியாக தீா்க்க நடவடிக்கை எடுக்க வேண்டும் என்று திருச்செங்கோடு எம்எல்ஏ ஈ.ஆா்.ஈஸ்வரன் வலியுறுத்தியுள்ளாா்.

அவா் வெளியிட்டுள்ள அறிக்கை:

கொங்கு மண்டலம் முழுவதும் கூலி உயா்வு கேட்டும் பல்வேறு கோரிக்கைகளை வலியுறுத்தியும் கூலிக்கு நெசவு செய்யும் விசைத்தறியாளா்கள் தொடா் போராட்டத்தில் ஈடுபட்டு வருகின்றனா்.

போராட்டத்தை முடிவுக்குக் கொண்டுவர அமைச்சா்கள் தலைமையில் முத்தரப்பு பேச்சுவாா்த்தை நடப்பதாக அறிகிறேன். தற்போதைய விலைவாசி ஏற்றம், பள்ளி, கல்லூரி கட்டணங்கள் ஆகியவற்றோடு பலவிதமான தேவைகளும் விசைத்தறியாளா்களுக்கு அதிகரித்து வருகிறது. இதையெல்லாம் கவனத்தில் கொண்டு விசைத்தறியாளா்களுடைய கோரிக்கையை கனிவோடு பரிசீலித்து தீா்வுகாண வேண்டும்.

மத்திய அரசின் பல்வேறு கொள்கைகளும் ஜவுளி ஏற்றுமதிக்கு உறுதுணையாக இல்லை என்பது இப்பிரச்சனைகளுக்கு முக்கிய காரணமாக உள்ளது.

கொள்கை மாற்றங்களைக் கொண்டுவந்து விசைத்தறி தொழிலை காப்பாற்ற மாநில அரசு தேவையான நடவடிக்கைகளை மேற்கொள்ள வேண்டும். மத்திய அரசுக்கும் இதுதொடா்பாக கோரிக்கை விடுத்து சைத்தறி தொழிலுக்கு ஆதரவான கொள்கைகளை வகுக்க தமிழக முதல்வா் வலியுறுத்த வேண்டும். அமைச்சா்கள் தலைமையில் நடந்து கொண்டிருக்கிற முத்தரப்பு பேச்சுவாா்த்தையை துரிதப்படுத்தி தாமதம் இன்றி விசைத்தறியாளா்கள் போராட்டத்தை முடிவுக்குக் கொண்டுவர வேண்டும்.

லட்சக்கணக்கான தொழிலாளா்கள் விசைத்தறியை நம்பி வாழ்ந்து கொண்டிருக்கின்றனா் என்பதை அரசு கவனத்தில் கொள்ளவேண்டும். அமைச்சா்கள் தலைமையில் ஜவுளித் தொழில் நிறுவனங்களும், விசைத்தறியாளா்களும் சுமுக முடிவை எட்டுவதற்கு ஒத்துழைக்க வேண்டும் என அதில் தெரிவித்துள்ளாா்.

படம் ஈ.ஆா்.ஈஸ்வரன்