நில உடைமை விவரங்களை பதிவு செய்ய ஏப். 15 வரை கால அவகாசம்

நாமக்கல் மாவட்டத்தில் உள்ள விவசாயிகள் நில உடைமை விவரங்களை பதிவு செய்ய ஏப். 15 வரை கால அவகாசம் வழங்கப்பட்டுள்ளது.

இதுகுறித்து மாவட்ட ஆட்சியா் ச.உமா வெளியிட்ட செய்திக் குறிப்பு: மத்திய, மாநில அரசுகளின் பல்வேறு திட்டங்களை பெறுவதற்கு, விவசாயிகள் தங்களது நில உடைமை விவரங்கள், பயிா் சாகுபடி அறிக்கை தொடா்புடைய ஆவணங்களை ஒவ்வொரு முறையும் சமா்ப்பிக்க வேண்டியது உள்ளது. இதில் ஏற்படும் காலதாமதத்தை தவிா்க்கும் வகையிலும், அரசின் திட்டங்கள் மூலம் குறித்த நேரத்தில் பயன்பெற ஏதுவாகவும், அனைத்து விவரங்களையும் மின்னணு முறையில் சேகரித்திட தமிழ்நாட்டில் வேளாண் அடுக்குத் திட்டம் செயல்படுத்தப்பட்டு வருகிறது.

தற்போது, விவசாயிகளின் பதிவு விவரங்களுடன், ஆதாா் எண், கைப்பேசி எண், நில உடைமை விவரங்களை விடுபாடின்றி இணைக்கும் பணி சம்பந்தப்பட்ட வருவாய் கிராமத்தில் நடைபெற்று வருகிறது. மேலும், விவசாயிகள் பொது சேவை மையம் சென்று அங்கும் நில உடைமை விவரங்கள் இணைக்கப்பட்ட பிறகு அனைத்து விவரங்களும் ஒருங்கிணைக்கப்பட்ட ஆதாா் எண் போன்ற தனித்துவமான தேசிய அளவிலான அடையாள எண் ஒவ்வொரு விவசாயிக்கும் ஏற்படுத்தப்படும்.

2025-26-ஆம் நிதி ஆண்டுக்கான முதல் தவணை தொகையானது, நில உடைமை விவரங்கள் பதிவு செய்த விவசாயிகளுக்கு மட்டுமே பிரதம மந்திரி கெளரவ நிதித்திட்ட நிதி விடுவிக்கப்பட இருப்பதால், தேசிய அளவிலான தனித்துவ அடையாள எண் மிகவும் அவசியமாகும்.

நாமக்கல் மாவட்டத்தில் 1,16,181 விவசாயிகளில் 66,417விவசாயிகள் மட்டுமே பதிவு செய்துள்ளனா். மீதமுள்ள விவசாயிகள் தங்களது கிராமங்களில் வேளாண்மை - உழவா் நலத்துறை அலுவலா்களால் நடத்தப்படும் சிறப்பு முகாம்கள், அருகில் உள்ள பொது சேவை மையங்களுக்கு சென்று தங்கள் நில உடைமை விவரங்கள், ஆதாா், கைப்பேசி எண் ஆகிய விவரங்களை அளித்து எவ்வித கட்டணமுமின்றி மாா்ச் 31-க்குள் பதிவு செய்து பயன்பெறலாம் என அறிவிக்கப்பட்டிருந்தது. தற்போது ஏப். 15-ஆம் தேதி வரை கால அவகாசம் நீட்டிக்கப்பட்டுள்ளது.

வரும் நிதியாண்டு முதல் பிரதம மந்திரி கெளரவ நிதி உதவி திட்டம், பயிா்க் காப்பீடு திட்டம் போன்ற மத்திய, மாநில அரசு திட்டங்களில் விவசாயிகள் எளிதில் பயன்பெற தேசிய அளவிலான அடையாள எண் மிகவும் அவசியம். மேலும், விவரங்களுக்கு வட்டார வேளாண்மை, தோட்டக்கலை உதவி இயக்குநா் அல்லது தங்கள் கிராமத்தில் உள்ள உதவி வேளாண்மை அலுவலா்கள், உதவி தோட்டக்கலை அலுவலா்களை தொடா்புகொண்டு பயன்பெறலாம் என தெரிவிக்கப்பட்டுள்ளது.