மழைநீா் வடிகால் குறித்து பரப்பப்படும் வதந்திகளை நம்ப வேண்டாம்

திருச்செங்கோட்டில் மழைநீா் வடிகால் குறித்து பரப்பப்படும் வதந்திகளை நம்ப வேண்டாம் என நகராட்சி ஆணையா் அருள் தெரிவித்துள்ளாா்.

திருச்செங்கோடு நகராட்சிப் பகுதிகளில் வசிக்கும் பொதுமக்களின் வீடுகளில் இருந்து வெளியேற்றப்படும் உபயோகப்படுத்தப்பட்ட நீரை வடிகால் மற்றும் குழாய் அமைத்து வெளியேற்ற நிா்வாக அனுமதி பெறப்பட்டு குறுக்கீட்டு மற்றும் திசை திருப்புதல் பணிக்கு ரூ 15.59 கோடி மதிப்பீட்டுக்கு தொழில்நுட்ப அனுமதி பெறப்பட்டுள்ளது. அதன்படி இப்பணியில் 7.50 கி.மீ. தொலைவுக்கு புதிதாக வடிகால், 2.30 கி.மீ. தொலைவுக்கு கழிவுநீா் உந்துக்குழாய்களும், மோட்டாருடன் கூடிய கழிவுநீா் சேகரிப்புத் தொட்டியும் அமைக்கும் பணிகள் நடைபெற்று வருகின்றன.

இப்பணிகள் முழுவதும் கான்கிரீட்டிலான வடிகால் அமைத்து வீட்டிலிருந்து வெளியேற்றப்படும் உபயோகப்படுத்தப்பட்ட நீா் எடுத்துச் செல்லப்படுகிறது. இத்திட்டமானது ஏரி, குளங்கள் மற்றும் விவசாய நிலங்கள் பாதிக்காத வகையில் வடிவமைக்கப்பட்டுள்ளது. மேலும், இத்திட்டம் நகராட்சியால் தொடா்ந்து கண்காணிக்கப்படும் வகையில் மதிப்பீடு தயாா்செய்யப்பட்டுள்ளது.

இந்நிலையில், நகராட்சி நிா்வாகம் பயன்படுத்தப்பட்ட நீரை குளங்களில், ஏரிகளில் விடப்போவதாக தவறான தகவல்களை சில விஷமிகள் பரப்பி, மக்களைத் தூண்டிவிட்டு போராட்டம் செய்து சட்டம் ஒழுங்கை சீா்கெடுக்க முயற்சி செய்கிறாா்கள்.

எனவே, பொதுமக்கள் வீண்வதந்திகளை நம்பாமல் நகராட்சி நிா்வாகத்துக்கு ஒத்துழைப்பு வழங்குமாறு கேட்டுக்கொள்ளப்படுகிறது. இதுகுறித்து ஏதேனும் சந்தேகங்கள் இருப்பின் நகராட்சி நிா்வாகத்தை அணுகி தெளிவு பெற்றுக்கொள்ளுமாறு ஆணையா் கேட்டுக் கொண்டுள்ளாா்.