கும்பகோணத்தில் செவ்வாய்க்கிழமை நடைபெற்ற விடுதலை சிறுத்தைகள் கட்சி கூட்டத்தில் தள்ளுமுள்ளு ஏற்பட்டதை போலீஸாா் தடுத்தனா்.
தஞ்சாவூா் மாவட்டம், கும்பகோணத்தில் விடுதலை சிறுத்தைகள் கட்சி சாா்பில் வடக்கு மாவட்ட செயற்குழு கூட்டம் தனியாா் மண்டபத்தில் நடைபெற்றது. மாவட்ட செயலா் முல்லைவளவன் தலைமை வகித்தாா். செயற்குழு கூட்டத்தில் வக்ஃப் வாரிய திருத்தச் சட்டத்தை மத்திய அரசு திரும்பபெறக்கோரி வரும் ஜூன் 14- இல் திருச்சியில் நடைபெறவுள்ள பேரணி குறித்து நிா்வாகிகள் கருத்துக்கள் தெரிவித்தனா். அப்போது விடுதலை சிறுத்தைகள் கட்சியின் மற்றொரு தரப்பினா் கருத்துகளை தெரிவித்தனா்.
அப்போது விசிக வடக்கு மாவட்ட செயலா் முல்லைவளவன் கூட்டத்தை விட்டு வெளியேறுமாறு கூறினாா். ஆத்திரமடைந்த மற்றொறு தரப்பினா் சத்தம் போடவே இரண்டு தரப்பினரிடையே தள்ளுமுள்ளு, வாக்குவாதம் ஏற்பட்டது.
பின்னா், மேற்கு காவல் நிலைய போலீஸாா் மண்டபத்துக்குள் சென்று கூட்டத்தை அமைதிப்படுத்தினா். வாக்குவாதம் செய்த மற்றொறு தரப்பினா் மண்டபத்தை விட்டு வெளியேறினா்.
