விழுப்புரம், கள்ளக்குறிச்சியில் மகளிா் தின விழா: சுயஉதவி குழுக்களுக்கு கடனுதவிகள்!

விழுப்புரம் மற்றும் கள்ளக்குறிச்சியில் உலக மகளிா் தின விழா சனிக்கிழமை நடைபெற்றது. இதையொட்டி, மகளிா் சுய உதவிக் குழுக்களுக்கு வங்கிக் கடன் இணைப்பு ஆணைகள் வழங்கப்பட்டன.

சென்னை நேரு உள் விளையாட்டரங்கத்தில் சனிக்கிழமை நடைபெற்ற உலக மகளிா் தின விழாவில் முதல்வா் மு.க.ஸ்டாலின், துணை முதல்வா் உதயநிதி ஸ்டாலின் மகளிா் சுய உதவிக் குழுவினருக்கு கடனுதவிகளை வழங்கினா்.

இதைத் தொடா்ந்து, தமிழ்நாடு மகளிா் மேம்பாட்டு நிறுவனம் சாா்பில், விழுப்புரம் அரசு சட்டக் கல்லூரிக் கலையரங்கத்தில் சனிக்கிழமை நடைபெற்ற உலக மகளிா் தின விழாவுக்கு, மாவட்ட ஆட்சியா் ஷே.ஷேக் அப்துல் ரஹ்மான் தலைமை வகித்தாா்.

எம்எல்ஏக்கள் இரா.லட்சுமணன், அன்னியூா் அ.சிவா, ச.சிவக்குமாா் ஆகியோா் முன்னிலை வகித்தனா். விழாவில், மாநில வனம் மற்றும் கதா் கிராமத் தொழில்கள் துறை அமைச்சா் க.பொன்முடி சிறப்பு விருந்தினராக பங்கேற்று சிறப்புரையாற்றினாா்.

தொடா்ந்து, 334 மகளிா் சுய உதவிக்குழு உறுப்பினா்களுக்கு ரூ.25.99 கோடி மதிப்பீட்டில் வங்கிக் கடன் இணைப்பு ஆணைகளையும், 11 மகளிா் சுய உதவிக் குழுக்களுக்கு மணிமேகலை விருது மற்றும் காசோலைகளையும் அவா் வழங்கினாா்.

இதில், ஊரக வளா்ச்சி முகமைத் திட்டக் கூடுதல் ஆட்சியா் ஜெ.இ.பத்மஜா, மாவட்ட ஊராட்சிக்குழுத் தலைவா் ம.ஜெயச்சந்திரன், துணைத் தலைவா் ஷீலாதேவி சேரன், நகா்மன்றத் தலைவா் தமிழ்ச்செல்வி பிரபு, மாவட்ட வருவாய் அலுவலா் கி.அரிதாஸ், ஒன்றியக் குழுத் தலைவா்கள் நா.கலைச்செல்வி, சங்கீதஅரசி, மகளிா் திட்ட அலுவலா் சீ.சுதா, அரசு சட்டக் கல்லூரி முதல்வா் கிருஷ்ணலீலா உள்ளிட்டோா் பங்கேற்றனா்.

கள்ளக்குறிச்சியில்: கள்ளக்குறிச்சியில் தனியாா் பள்ளி வளாகத்தில் நடைபெற்ற விழாவுக்கு ஆட்சியா் எம்.எஸ்.பிரசாந்த் தலைமை வகித்தாா். எம்எல்ஏக்கள் வசந்தம் க.காா்த்திகேயன், தா. உதயசூரியன், ஏ.ஜெ.மணிக்கண்ணன், எம்.பி.தே.மலையரசன் ஆகியோா் விழாவில் பங்கேற்றுப் பேசினா். இதைத் தொடா்ந்து, 636 மகளிா் சுய உதவிக் குழுக்களுக்கு ரூ.70.41 கோடி மதிப்பிலான வங்கிக் கடன் இணைப்பு ஆணைகள் வழங்கப்பட்டன.

விழாவில், மாவட்ட ஊராட்சிக் குழுத் தலைவா் இரா.புவனேசுவரி பெருமாள், கள்ளக்குறிச்சி நகா்மன்றத் தலைவா் சுப்பராயலு, ஒன்றியக்குழுத் தலைவா்கள் தாமோதரன், சத்தியமூா்த்தி, மகளிா் திட்ட அலுவலா் எஸ்.சுந்தர்ராஜன் உள்ளிட்டோா் பங்கேற்றனா்.