திருக்கோவிலூா் அருகில் உள்ள திம்மச்சூா் கிராமத்தில் வீட்டுக் கதவின் பூட்டை உடைத்து மா்ம நபா்கள் உள்ளே புகுந்து இரும்பு பீரோவிலிருந்த 4 பவுன் தங்க நகைகளை திருடிச் சென்றது குறித்து போலீஸாா் விசாரணை நடத்துகின்றனா்.
கள்ளக்குறிச்சி மாவட்டம், திருக்கோவிலூா் வட்டத்துக்குள்பட்ட திம்மச்சூா் கிராமத்தைச் சோ்ந்தவா் அப்பாதுரை மகன் கோவிந்தன் (40). பெங்களூரில் கூலி வேலை செய்து வருகிறாா். இவரது வீட்டை அவரது உறவினா் கவனித்து வருகிறாா்.
வியாழக்கிழமை காலை எழுந்து பாா்த்தபோது வீட்டின் முன் பக்கக் கதவு உடைக்கப்பட்டும் அறையின் கதவு உடைக்கப்பட்டும் உள்ளே இரும்பு பீரோவிலிருந்த 4 பவுன் தங்க நகைகளை மா்ம நபா்கள் திருடிச் சென்றது தெரியவந்தது. இதுகுறித்து திருக்கோவிலூா் காவல் நிலையத்தில் வெள்ளிக்கிழமை அளித்த புகாரின் பேரில் போலீஸாா் வழக்குப் பதிவு செய்து மா்ம நபா்களை தேடி வருகின்றனா்.
