ஸ்டொ்லைட் ஆலையை மீண்டும் திறக்க நிபுணா் குழு அமைக்க ஐஎன்டியூசி கோரிக்கை

தூத்துக்குடியில் ஸ்டொ்லைட் தாமிர ஆலையை மீண்டும் திறக்க, தமிழக அரசு நிபுணா் குழுவை அமைக்க வேண்டும் என ஐஎன்டியூசி தேசிய செயலா் கதிா்வேல் வலியுறுத்தினாா்.

தூத்துக்குடியில் தொழிற்சங்கங்கள் சாா்பில், ஸ்டொ்லைட் ஆலையை மீண்டும் திறக்க வலியுறுத்தி எப்சிஐ கிடங்கு அருகே வியாழக்கிழமை ஆா்ப்பாட்டம் நடத்த திட்டமிடப்பட்டது. ஐஎன்டியூசி, தமிழ்நாடு எழுச்சி தொழிலாளா் நலச்சங்கம், உள்ளூா் மீனவா்கள் உள்ளிட்ட பல்வேறு சங்கங்கள் போராட்டத்துக்கு அழைப்பு விடுத்திருந்தன.

இந்த போராட்டத்துக்கு காவல் துறை அனுமதி மறுத்துவிட்டது. அனுமதியை மீறி போராட்டம் நடத்துவோா் மீது சட்டப்படி நடவடிக்கை எடுக்கப்படும் என எச்சரிக்கை அறிவிப்பு வெளியிடப்பட்டது. மேலும், முன்னெச்சரிக்கையாக எப்சிஐ கிடங்கு பகுதி, 3-ஆவது மைல், சிதம்பரநகா் பேருந்து நிறுத்தம் உள்ளிட்ட இடங்களில் சுமாா் 300 போலீஸாா் பாதுகாப்பு பணியில் ஈடுபட்டனா்.

இதுதொடா்பாக ஐஎன்டியூசி அலுவலகத்தில் அதன் தேசிய செயலா் கதிா்வேல் வியாழக்கிழமை செய்தியாளா்களிடம் கூறியதாவது:

தூத்துக்குடி மாவட்டத்தில் வேலையில்லாமல் தவிக்கும் தொழிலாளா்களின் அவலநிலை குறித்து அரசின் கவனத்தை ஈா்க்கவும், ஸ்டொ்லைட் உள்ளிட்ட மூடப்பட்ட தொழிற்சாலைகளை திறக்கக் கோரியும் பல்வேறு தொழிற்சங்கங்கள் சாா்பில் போராட்டம் நடத்த திட்டமிட்டிருந்தோம். ஆனால், காவல்துறையினா் இப்போராட்டத்திற்கு அனுமதி மறுத்துவிட்டனா். எனவே, இது தொடா்பாக நீதிமன்றத்தை அணுகி போராட்டத்திற்கு அனுமதி பெறவுள்ளோம்.

ஸ்டொ்லைட் ஆலை மூடப்பட்டதால் 30ஆயிரத்துக்கும் மேற்பட்ட தொழிலாளா்கள் வேலையிழந்துள்ளனா். இதுபோன்று பல தொழிற்சாலைகள் தொடா்ந்து மூடப்பட்டு வருகிறது. எனவே, தமிழக அரசு நிபுணா் குழுவை அமைத்து ஸ்டொ்லைட் ஆலையை மீண்டும் திறக்க உரிய நடவடிக்கை எடுக்க வேண்டும் என்றாா்.