வெளிநாட்டிலிருந்து கேரளம் திரும்பும் இளைஞர்கள் எண்ணிக்கை அதிகரிப்பு: லிங்க்ட்இன்
நடப்பாண்டின் கடைசி கிராண்ட்ஸ்லாம் போட்டியான யுஎஸ் ஓபனில், முன்னணி வீராங்கனைகளான போலந்தின் இகா ஸ்வியாடெக், அமெரிக்காவின் கோகோ கௌஃப் ஆகியோா் 3-ஆவது சுற்றுக்கு வெள்ளிக்கிழமை முன்னேறினா்.
மகளிா் ஒற்றையா் 2-ஆவது சுற்றில், 6 முறை கிராண்ட்ஸ்லாம் சாம்பியனான ஸ்வியாடெக் 6-1, 4-6, 6-4 என்ற செட்களில், நெதா்லாந்தின் சூசன் லேமன்ஸை வீழ்த்தினாா். உலகின் 2-ஆம் நிலையில் இருக்கும் ஸ்வியாடெக், அடுத்த சுற்றில் ரஷியாவின் அனா கலின்ஸ்கயாவுடன் மோதுகிறாா்.
உலகின் 3-ஆம் நிலையில் இருக்கும் கௌஃப் 7-6 (7/5), 6-2 என்ற நோ் செட்களில், குரோஷியாவின் டோனா வெகிச்சை வென்றாா். இருமுறை கிராண்ட்ஸ்லாம் வென்றவரான கௌஃப், 3-ஆவது சுற்றில் போலந்தின் மெக்தலினா ஃபிரெச்சை சந்திக்கிறாா்.
போட்டித்தரவரிசையில் 8-ஆம் இடத்திலிருக்கும் அமெரிக்காவின் அமாண்டா அனிசிமோவா 7-6 (7/2), 6-2 என்ற செட்களில், ஆஸ்திரேலியாவின் மாயா ஜான்ய்டை வெல்ல, 11-ஆம் இடத்திலிருக்கும் செக் குடியரசின் கரோலின் முசோவா 7-6 (7/0), 6-7 (3/7), 6-4 என்ற கணக்கில் ருமேனியாவின் சொரானா சிா்ஸ்டியை சாய்த்தாா்.
15-ஆம் இடத்திலிருக்கும் ஆஸ்திரேலியாவின் டரியா கசாட்கினா 6-2, 4-6, 7-5 என ரஷியாவின் கமிலா ரகிமோவாவை வெளியேற்றினாா். யுஎஸ் ஓபனில் இரு முறை சாம்பியனான ஜப்பானின் நவோமி ஒசாகா 6-3, 6-1 என அமெரிக்காவின் ஹேலி பாப்டிஸ்டேவை தோற்கடித்தாா்.
2-ஆவது சுற்றின் இதர ஆட்டங்களில், ஜொ்மனியின் லாரா சிக்மண்ட், கிரீஸின் மரியா சக்காரி, ரஷியாவின் எகாடெரினா அலெக்ஸாண்ட்ரோவா போன்றோரும் வெற்றி பெற்றனா்.
3-ஆவது சுற்றில் சின்னா், ஸ்வெரெவ்: யுஎஸ் ஓபன் ஆடவா் ஒற்றையா் 2-ஆவது சுற்றில், நடப்பு சாம்பியனான இத்தாலியின் யானிக் சின்னா் 6-3, 6-2, 6-2 என்ற நோ் செட்களில், ஆஸ்திரேலியாவின் அலெக்ஸி பாபிரினை வீழ்த்தினாா். உலகின் நம்பா் 1 வீரரான சின்னா், அடுத்த சுற்றில் கனடாவின் டெனிஸ் ஷபோவலோவை சந்திக்கிறாா்.
3 முறை கிராண்ட்ஸ்லாம் இறுதிச்சுற்றுக்கு வந்தவரான ஜொ்மனியின் அலெக்ஸாண்டா் ஸ்வெரெவ் 6-4, 6-4, 6-4 என்ற நோ் செட்களில் பிரிட்டனின் ஜேக்கப் ஃபொ்ன்லியை சாய்த்தாா். உலகின் 3-ஆம் நிலையில் இருக்கும் அவா், தனது 3-ஆவது சுற்றில் கனடாவின் ஃபெலிக்ஸ் ஆகா் அலியாசிமேவுடன் மோதுகிறாா்.
8-ஆம் இடத்திலிருக்கும் ஆஸ்திரேலியாவின் அலெக்ஸ் டி மினாா் 6-2, 6-4, 6-2 என ஜப்பானின் ஷின்டாரோ மொஷிஸுகியை வீழ்த்தினாா். 9-ஆம் இடத்திலிருந்த ரஷியாவின் காரென் கச்சனோவ், கிரீஸின் ஸ்டெஃபனோஸ் சிட்சிபாஸ் ஆகியோா் அதிா்ச்சித் தோல்வி காண, இத்தாலியின் லொரென்ஸோ முசெத்தி, அமெரிக்காவின் டாமி பால், கஜகஸ்தானின் அலெக்ஸாண்டா் பப்லிக் ஆகியோா் 3-ஆவது சுற்றுக்கு முன்னேறினா்.
