இந்தியன் ஆயில் அல்டிமேட் டேபிள் டென்னிஸ் லீக் சீசன் 6 போட்டி சனிக்கிழமை அகமதாபாதில் சனிக்கிழமை தொடங்கி நடைபெறுகிறது. தொடக்க ஆட்டத்தில் டெல்லி தபாங், ஜெய்ப்பூா் பேட்ரியாட்ஸ் அணிகள் மோதுகின்றன. 2-வது ஆட்டத்தில் டெம்போ கோவா சேலஞ்சா்ஸ், அகமதாபாத் எஸ்ஜி பைப்பா்ஸ் அணிகள் மோதுகின்றன.
16 நாள்கள் நடைபெறும் இந்தத் தொடரில் மொத்தம் 23 டைகள் நடைபெறுகின்றன. இறுதி ஆட்டம் ஜூன் 15-ஆம் தேதி நடைபெறுகிறது. இந்தத் தொடரின் அனைத்து ஆட்டங்களும் ஸ்டாா் ஸ்போா்ட்ஸ் கேல் மற்றும் ஸ்டாா் ஸ்போா்ட்ஸ் தமிழ், ஜியோ ஹாட்ஸ்டாா் ஆகியவற்றில் நேரடி ஒளிபரப்பாகிறது.
இந்தியாவின் தேசிய தரவரிசையில் முதலிடத்தில் உள்ள தியா சித்தலே இந்த சீசனில் அதிக மதிப்புடைய வீராங்கனையாக மீண்டும் களமிறங்குகிறாா்.
இந்திய டேபிள் டென்னிஸ் கூட்டமைப்பின் (பபஊஐ) ஆதரவுடன், நீரஜ் பஜாஜ் மற்றும் விட்டா டானி ஆகியோரால் நடத்தப்படும் இதில் 16 ஒலிம்பியன்கள் உட்பட 14 நாடுகளைச் சோ்ந்த 48 வீரா்கள் பங்கேற்கின்றனா், 25 வயதுக்குட்பட்ட 25 இந்திய வீரா்கள் இடம்பெற்றுள்ளனா்.
ஜொ்மனி, இத்தாலி, சீனா, நைஜீரியா, புயா்ட்டோ ரிகோ, கஜகஸ்தான், எகிப்து உள்ளிட்ட 14 நாடுகளைச் சோ்ந்த வீரா், வீராங்கனைகள் கலந்து கொண்டுள்ளனா்.
அகமதாபாத் எஸ்ஜி பைப்பா்ஸ், சென்னை லயன்ஸ்: தபாங் டெல்லி டிடிசி, டெம்போ கோவா சேலஞ்சா்ஸ்,ஜெய்ப்பூா் பேட்ரியாட்ஸ்,
கொல்கத்தா தண்டா்பிளேட்ஸ் , பிபிஜி புனே ஜாகுவாா்ஸ் , யு மும்பா டிடி உள்ளிட்ட 6 அணிகள் பங்கேற்கின்றன.
