அதிமுக சாா்பில் ஜன. 29-இல் பெருங்களத்தூரில் ஆா்ப்பாட்டம்

சென்னை: தாம்பரம் மாநகராட்சியைக் கண்டித்து, அதிமுக சாா்பில் பெருங்களத்தூரில் ஜன. 29-இல் கண்டன ஆா்ப்பாட்டம் நடைபெறும் என்று அக்கட்சியின் பொதுச் செயலா் எடப்பாடி கே.பழனிசாமி அறிவித்துள்ளாா்.

இது தொடா்பாக அவா் புதன்கிழமை வெளியிட்ட அறிக்கை:

தாம்பரம் மாநகராட்சிக்குள்பட்ட பெருங்களத்தூா் பகுதியில் அடிப்படை வசதிகள் நிறைவேற்றப்படாத காரணத்தால், அப்பகுதியைச் சோ்ந்த மக்கள் மிகுந்த சிரமத்தைச் சந்தித்து வருகின்றனா். பெருங்களத்தூா் மற்றும் பீா்க்கன்கரணை பகுதிகளில் பாதாள சாக்கடைத் திட்டம் நிறைவேற்றப்படவில்லை.

அதிமுக ஆட்சியில் பீா்க்கன்கரணை ஏரி ரூ. 14 கோடியில் தூா்வாரப்பட்டு கரைகள் வலுப்படுத்தப்பட்டன. ஆனால், திமுக ஆட்சி பொறுப்பேற்ற உடன் ஏரி முழுவதும் ஆகாயத்தாமரை செடிகளால் மூடப்பட்டு கழிவுநீா் குட்டையாக மாறி உள்ளது.

பெருங்களத்தூா் பகுதியில் கட்டி முடிக்கப்பட்ட சமுதாயநலக் கூடம், வணிக வளாகம், அங்கன்வாடி மையம் மற்றும் நாய்கள் கருத்தடை மையம் முதலானவை நீண்ட காலமாகியும் திறக்கப்படாமல் உள்ளன. 15 பூங்காக்கள் எவ்வித பராமரிப்புமின்றி மிகவும் பாழ்பட்டுள்ளது.

பெருங்களத்தூா் முழுவதும் உள்ள கழிவுநீா் கால்வாய்கள் முறையாக பராமரிக்காத காரணத்தால், சுகாதாரச் சீா்கேடு ஏற்பட்டுள்ளதோடு, டெங்கு உள்ளிட்ட காய்ச்சல்களால் மக்கள் மிகுந்த சிரமத்துடன் வாழ்ந்து வருகின்றனா்.

இவற்றுக்கெல்லாம் காரணமாக தாம்பரம் மாநகராட்சியையும் திமுக அரசையும் கண்டித்து, செங்கல்பட்டு மேற்கு மாவட்ட அதிமுக சாா்பில் பெருங்களத்தூா், காமராஜா் நெடுஞ்சாலை, பெருமாள் கோயில் ரவுண்டானா அருகில் ஜன. 29-ஆம் தேதி மாலை 4 மணியளவில் கண்டன ஆா்ப்பாட்டம் நடைபெறும். முன்னாள் அமைச்சா் டி.ஜெயக்குமாா் ஆா்ப்பாட்டத்துக்கு தலைமை வகிப்பாா். அதிமுகவினரும், பொதுமக்களும் பெருந்திரளாக ஆா்ப்பாட்டத்தில் பங்கேற்க வேண்டும் என்று அவா் கூறியுள்ளாா்.