அதிமுக சாா்பில் ரத்த தான முகாம்

திருவண்ணாமலை தெற்கு மாவட்ட அதிமுக சாா்பில் ஞாயிற்றுக்கிழமை ரத்த தான முகாம் நடைபெற்றது.

அதிமுக பொதுச்செயலா் எடப்பாடி கே.பழனிசாமி பிறந்த நாளையொட்டி, தெற்கு மாவட்ட அதிமுகவின் தகவல் தொழில்நுட்பப் பிரிவு மற்றும் அண்ணா தொழிற்சங்க ப் பேரவை சாா்பில் நடைபெற்ற கட்சி அலுவலகத்தில் நடைபெற்ற இந்த ரத்த முகாமுக்கு, மாவட்டச் செயலா்

அக்ரி எஸ்.எஸ்.கிருஷ்ணமூா்த்தி எம்எல்ஏ தலைமை வகித்து, ரத்ததான முகாமை தொடங்கிவைத்தாா்.

திருவண்ணாமலை அரசு மருத்துவக் கல்லூரி மற்றும் மருத்துவமனையின் ரத்த வங்கி மருத்துவா்கள், செவிலியா்கள், பணியாளா்கள் வந்து தெற்கு மாவட்டத்தைச் சாா்ந்த கலசப்பாக்கம், செங்கம் தொகுதிகளில் இருந்து வந்திருந்த 100-க்கும் மேற்பட்ட அதிமுகவினரில் 71 போ் தோ்வு செய்து ரத்த தானம் பெற்றனா்.

ரத்த தானம் செய்த அதிமுகவினருக்கு பழங்கள், குளிா்பானங்கள், பிஸ்கெட், காலை மற்றும் மதிய உணவு, ரத்த தானம் செய்ததற்கான சான்றிதழ் ஆகியவற்றை மாவட்டச் செயலா் அக்ரி எஸ்.எஸ்.கிருஷ்ணமூா்த்தி வழங்கி பாராட்டினாா்.

முகாமில், மாவட்ட தகவல் தொழில்நுட்பப் பிரிவின் பொறுப்பாளா் விஜய் சங்கரன், அதிமுக மாவட்ட அவைத் தலைவா் இ.என்.நாராயணன், மாவட்ட இலக்கிய அணிச் செயலா் பா்குணகுமாா், மாநில மகளிரணி துணைச் செயலாளா் அமுதா, மாவட்டப் பொருளாளா் எம்.எஸ்.நைனாகண்ணு, முன்னாள் எம்எல்ஏ மணிவா்மா, ஒன்றியச் செயலா்கள் உள்ளிட்ட பலா் கலந்து கொண்டனா்.