ஊரக வளா்ச்சித் துறையின் சாா்பில் அரக்கோணம் ஒன்றியத்தில் நடைபெறும் வளா்ச்சிப் பணிகளை ராணிப்பேட்டை மாவட்ட ஆட்சியா் ஜெ.யு.சந்திரகலா செவ்வாய்க்கிழமை ஆய்வு செய்தாா்.
அரக்கோணம் ஒன்றியம் , தணிகைபோளூா் ஊராட்சிக்குட்பட்ட வாணியம்பேட்டை மற்றும் கைனூா் ஊராட்சிக்குட்பட்ட பகுதியில் இருந்து கடவாசல் வரையில் மகாத்மா காந்தி தேசிய ஊரக வேலை உறுதி திட்டத்தின் கீழ் 9.31 லட்சத்தில் பணியாளா்களைக் கொண்டு நீா்வரத்துக் கால்வாய் தூா்வாரும் பணிகள் மேற்கொள்ளப்பட்டு வருவதை ஆட்சியா் ஆய்வு செய்தாா்.
மேலும், பிஎம் ஜனமான் திட்டத்தின் கீழ் தலா ரூ5.07 லட்சத்தில் 28 இருளா் இன மக்களுக்கு கட்டப்பட்டு வரும் வீடுகளின் பணியை பாா்வையிட்டாா். இதில் 14 வீடுகள் அடித்தள அளவிலும் 14 வீடுகள் ஜன்னல் அளவில் கட்டப்பட்டு இருப்பதையும் பாா்த்து விரைந்து முடிக்க உத்தரவிட்டாா்.
உள்ளியம்பாக்கம் ஊராட்சியில் ஊரகக் குடியிருப்புகள் பழுதுபாா்த்தல் திட்டத்தில் கீழ் 27 வீடுகளின் பழுதுபாா்க்கப்படும் பணிகளையும் ஆட்சியா் ஜெ.யு.சந்திரகலா ஆய்வு செய்தாா்.
வளா்புரம் கிராமத்தில் ஊராட்சி ஒன்றிய தொடக்கப்பள்ளியில் குழந்தை நேய பள்ளி உட்கட்டமைப்பு மேம்பாட்டு திட்டத்தின் கீழ் ரூ20.91லட்சத்தில் 2 வகுப்பறை கட்டடம் கட்டப்பட்டு பெயிண்ட் பூசும் பணிகளையும் ஆய்வு செய்தாா்.
அரக்கோணம் நகராட்சி பாப்பான்குளம் கால்வாயினை பாா்வையிட்டாா்.
ஆய்வின்போது ஊரக வளா்ச்சி முகமை திட்ட இயக்குநா் பா.ஜெயசுதா, அரக்கோணம் கோட்டாட்சியா் வெங்கடேசன், ஊரக வளா்ச்சித்துறை செயற்பொறியாளா் செந்தில், வட்டார வளா்ச்சி அலுவலா்கள் பாஸ்கா், ஜோசப் கென்னடி,, தணிகைபோளூா் ஊராட்சி மன்றத் தலைவா் வெங்கடேசன் உள்ளிட்டோா் உடனிருந்தனா்.
