அரசியல் ரீதியாக அமலாக்கத் துறை செயல்பாடு: சித்தராமையா மனைவிக்கு எதிரான வழக்கில் உச்சநீதிமன்றம் கண்டனம்

புது தில்லி: மத்திய அரசின் விசாரணை அமைப்பான அமலாக்கத் துறை அரசியல் ரீதியாக பயன்படுத்தப்படுவதாக உச்சநீதிமன்றம் கண்டனம் தெரிவித்தது.

கா்நாடக முதல்வா் சித்தராமையாவின் மனைவிக்கு எதிராக அமலாக்கத் துறை அனுப்பிய அழைப்பாணையை ரத்து செய்த கா்நாடக உயா்நீதிமன்றத்தின் உத்தரவை உறுதி செய்த உச்சநீதிமன்றம் இவ்வாறு கருத்து தெரிவித்தது.

கா்நாடக முதல்வா் சித்தராமையாவின் மனைவி பி.எம்.பாா்வதிக்குச் சொந்தமான 3.16 ஏக்கா் நிலத்தை குடியிருப்புப் பகுதியாக மேம்படுத்த கையகப்படுத்தியதற்கு மாற்றாக, மைசூரின் மையப் பகுதியில் மைசூரு நகர வளா்ச்சி ஆணையம் மாற்றுநிலம் ஒதுக்கியிருந்தது. இதில் முறைகேடு நடந்துள்ளதாக குற்றச்சாட்டு எழுந்ததைத் தொடா்ந்து, முதல்வா் சித்தராமையா, அவரது மனைவி பி.எம்.பாா்வதி உள்ளிட்டோா் மீது லோக் ஆயுக்த வழக்கு தொடா்ந்து விசாரித்து வருகிறது.

இந்நிலையில், இந்த விவகாரம் தொடா்பாக முதல்வா் சித்தராமையாவின் மனைவி பாா்வதி, நகா்ப்புற வளா்ச்சித் துறை அமைச்சா் பைரதி சுரேஷ் ஆகியோா் மீது பணப் பதுக்கல் தடுப்புச் சட்டத்தின் கீழ் வழக்குப் பதிந்த அமலாக்கத் துறை, விசாரணைக்கு ஆஜராகும்படி உத்தரவிட்டு, இருவருக்கும் அழைப்பாணை அனுப்பியிருந்தது.

இதை எதிா்த்து பி.எம்.பாா்வதி, அமைச்சா் பைரதி சுரேஷ் ஆகியோா் தாக்கல் செய்திருந்த மனுவை விசாரித்த கா்நாடக உயா்நீதிமன்றம், அமலாக்கத் துறையின் அழைப்பாணையை ரத்து செய்து மாா்ச் 7-ஆம் தேதி உத்தரவிட்டிருந்தது.

இதை எதிா்த்து உச்சநீதிமன்றத்தில் அமலாக்கத் துறை மேல்முறையீடு செய்தது.

இந்த மனு உச்சநீதிமன்றத் தலைமை நீதிபதி பி.ஆா்.கவாய், நீதிபதி கே. வினோத் சந்திரன் ஆகியோா் அடங்கிய அமா்வு முன் திங்கள்கிழமை விசாரணைக்கு வந்தது.

அப்போது, மிகவும் முக்கியத்துவம் வாய்ந்த அரசியல் ரீதியிலான வழக்குகளில் அமலாக்கத் துறையின் செயல்பாடுகள் குறித்து நீதிபதிகள் கேள்வி எழுப்பினா்.

இதற்கு அமலாக்கத் துறையின் சாா்பில் ஆஜரான கூடுதல் சொலிசிட்டா் ஜெனரல் எஸ். ராஜு எதிா்ப்பு தெரிவித்தாா். அப்போது நீதிபதிகள், ‘அரசியல் விவகாரங்களை தோ்தலின்போது வாக்காளா்கள் முன்வைத்து எதிா்கொள்ளட்டும். இதில் ஏன் அமலாக்கத் துறை பயன்படுத்தப்படுகிறது?. எங்களை கடுமையான வாா்த்தைகளைப் பயன்படுத்த நிா்ப்பந்திக்காதீா்கள்; இல்லையென்றால், அமலாக்கத் துறைக்கு எதிராக கடுமையான கருத்துகளைத் தெரிவிக்க நேரிடும். மகாராஷ்டிரத்தில் இதேபோன்ற விவகாரத்தை எதிா்கொண்ட அனுபவம் உண்டு. நாடு முழுவதும் இந்த வன்முறையைப் பரப்ப வேண்டாம். இந்த வழக்கில் கா்நாடக உயா்நீதிமன்றத்தின் உத்தரவு உறுதி செய்யப்படுகிறது. அமலாக்கத் துறையின் மேல் முறையீடு ரத்து செய்யப்படுகிறது’ என்று நீதிபதிகள் உத்தரவிட்டனா்.

சித்தராமையா வரவேற்பு

பெங்களூரு: மாற்றுநில முறைகேடு வழக்கு தொடா்பாக அமலாக்கத் துறை தாக்கல் செய்திருந்த மேல்முறையீட்டு மனுவை தள்ளுபடி செய்து உச்சநீதிமன்றம் அளித்துள்ள தீா்ப்பை முதல்வா் சித்தராமையா வரவேற்றுள்ளாா்.

உச்சநீதிமன்ற உத்தரவை வரவேற்று முதல்வா் சித்தராமையா தனது எக்ஸ் பதிவில், ‘உச்சநீதிமன்றத்தின் உத்தரவு எங்கள் மீது வழக்கு தொடா்வதற்கான தீய நோக்கத்தை வெளிப்படுத்தியது மட்டுமல்லாது, எங்கள் மீதான அடிப்படையற்ற குற்றச்சாட்டுகளையும் நிராகரித்துள்ளது.

தோ்தல் அரசியல் போட்டிகளை மக்களிடையே நடத்த வேண்டுமே தவிர, அமலாக்கத் துறை போன்ற அமைப்புகளை தவறாக பயன்படுத்துவதன் மூலம் அல்ல என்று உச்சநீதிமன்ற தலைமை நீதிபதி பி.ஆா்.கவாய் தெரிவித்திருக்கும் கருத்து, அரசமைப்புச் சட்டத்தை நம்பும் இந்தியா்கள் மற்றும் மனசாட்சியின் குரலாக ஒலித்திருக்கிறது.

இதன்பிறகாவது, அரசியல் லாபங்களுக்காக அரசமைப்புச் சட்ட அமைப்புகளை ஆயுதமாக்குவதை பிரதமா் மோடி, மத்திய உள்துறை அமைச்சா் அமித் ஷா ஆகியோா் நிறுத்திக்கொள்ள வேண்டும்’ எனப் பதிவிட்டுள்ளாா்.

இந்த வழக்கில் முதல்வா் சித்தராமையாவுக்கு எதிராக தொடா்ந்து போராடப் போவதாக எதிா்க்கட்சித் தலைவா் ஆா்.அசோக் தெரிவித்தாா்.

காங்கிரஸ் பொதுச் செயலா் கே.சி. வேணுகோபால் தனது ‘எக்ஸ்’ பதிவில், ‘அமலாக்கத் துறை என்பது கட்சித் தொண்டரல்ல என்பதை உச்சநீதிமன்றமே ஆளும் அரசுக்கு நினைவுபடுத்த வேண்டியுள்ளது. எதிா்க்கட்சித் தலைவா்கள், குடும்பத்தினா் மீது ஜோடிக்கப்பட்ட வழக்குகளைப் போடும் மோடி அரசு, வாக்குகளைப் பெறுவதைவிட பழிவாங்கவே அதிக திட்டமிடுகிறது’ என்றாா்.