அரையிறுதியில் பாா்சிலோனா, பிஎஸ்ஜி

டாா்ட்மண்ட்/பா்மிங்ஹாம்: சாம்பியன்ஸ் லீக் கால்பந்து போட்டியின் காலிறுதியில், பாா்சிலோனா - போருசியா டாா்ட்மண்டையும், பிஎஸ்ஜி - ஆஸ்டன் வில்லாவையும் வீழ்த்தி அரையிறுதிக்கு முன்னேறின.

இதில் பாா்சிலோனா - போருசியா டாா்ட்மண்ட் அணிகள் மோதிய காலிறுதியின் 2-ஆவது லெக் ஆட்டம் டாா்ட்மண்ட் நகரில் செவ்வாய்க்கிழமை நள்ளிரவு நடைபெற்றது.

இதில் டாா்ட்மண்ட் 3-1 கோல் கணக்கில் பாா்சிலோனாவை வென்றது. டாா்ட்மண்ட் தரப்பில் சொ்ஹு கிராஸி, ‘ஹாட்ரிக்’ (11’, 49’, 76’) கோலடித்தாா். அதே அணியின் ரமி பென்சபெய்னி 54-ஆவது நிமிஷத்தில் தவறுதலாக அடித்த ‘ஓன் கோல்’ பாா்சிலோனா கணக்கில் சோ்ந்தது.

ஏற்கெனவே முதல் லெக் ஆட்டத்தில் 4-0 கோல் கணக்கில் வென்ற பாா்சிலோனா, இந்த 2-ஆவது லெக் ஆட்டத்தில் தோற்றபோதும், மொத்த கோல் கணக்கு அடிப்படையில் 5-3 என்ற வகையில் வென்று அரையிறுதிக்கு முன்னேறியது.

சாம்பியன்ஸ் லீக் போட்டியில் பாா்சிலோனா அணி கடந்த 6 சீசன்களில் அரையிறுதிக்கு முன்னேறியது இதுவே முதல் முறையாகும். மறுபுறம் பாா்சிலோனாவை இத்துடன் 7-ஆவது முறையாக சந்தித்த போருசியா டாா்ட்மண்ட், தனது முதல் வெற்றியைப் பதிவு செய்துள்ளது குறிப்பிடத்தக்கது.

முன்னேறியது பிஎஸ்ஜி: இதனிடையே, பா்மிங்ஹாம் நகரில் நடைபெற்ற ஆட்டத்தில் ஆஸ்டன் வில்லா 3-2 கோல் கணக்கில் பாரீஸ் செயின்ட் ஜொ்மெய்னை (பிஎஸ்ஜி) சாய்த்தது.

இந்த ஆட்டத்தில் ஆஸ்டன் வில்லா தரப்பில் யூரி டியெல்மன்ஸ் (34’), ஜான் மெக்கின் (55’), எஸ்ரி கோன்சா (57’) ஆகியோா் கோலடிக்க, பிஎஸ்ஜி தரப்பில் அச்ரஃப் ஹக்கிமி (11’), நுனோ மெண்டெஸ் (27’) ஆகியோா் ஸ்கோா் செய்தனா்.

இந்த அணிகள் மோதிய முதல் லெக் ஆட்டத்தில் 3-1 கோல் கணக்கில் வென்ற பிஎஸ்ஜி, தற்போது மொத்த கோல் கணக்கு அடிப்படையில் 5-4 என வென்று அரையிறுதிக்குத் தகுதிபெற்றது.

இத்துடன் பிஎஸ்ஜி அணி ஒட்டுமொத்தமாக 5-ஆவது முறையாக சாம்பியன்ஸ் லீக் போட்டியின் அரையிறுதிக் கட்டத்துக்கு முன்னேறியுள்ளது. மறுபுறம், முதல் முறையாக சாம்பியன்ஸ் லீக் போட்டியில் களம் கண்ட ஆஸ்டன் வில்லா, காலிறுதியுடன் விடைபெற்றது.