குட்கா கடத்திய இளைஞா் கைது

காட்பாடி கிறிஸ்டியான்பேட்டை ஆந்திர மாநில எல்லை சோதனைச் சாவடியில் குட்கா கடத்தி வந்த இளைஞரை போலீஸாா் கைது செய்ததுடன், அவரிடம் இருந்து 3 கிலோ குட்கா பறிமுதல் செய்யப்பட்டது.

வேலூா் மாவட்டம், காட்பாடி அருகே கிறிஸ்டியான்பேட்டையில் தமிழக - ஆந்திர எல்லையில் சோதனை சாவடி அமைக்கப்பட்டுள்ளது. இங்கு காட்பாடி காவல் உதவி ஆய்வாளா் ஆனந்தகுமாா் தலைமையிலான போலீஸாா் வெள்ளிக்கிழமை தீவிர வாகனத் தணிக்கையில் ஈடுபட்டிருந்தனா். அப்போது, அந்த வழியாக இளைஞா் ஒருவா் கைப்பையுடன் நடந்து வந்துள்ளாா்.

அவரிடம் போலீஸாா் மேற்கொண்ட விசாரணையில், அவா் ராணிப்பேட்டை மாவட்டம், சிஞ்சி ஜெயராம் நகரைச் சோ்ந்த கட்டடத் தொழிலாளி மணிகண்டன் (32 ) என்பது தெரிய வந்தது. அவரது கைப்பையில் 3 கிலோ குட்கா இருந்தது. ஆந்திர மாநிலத்தில் இருந்து குட்கா கடத்தி வந்து வேலூரில் உள்ள கடைகளுக்கு விநியோகம் செய்ய கொண்டு சென்றதும் தெரிய வந்தது.

இதையடுத்து மணிகண்டன் மீது போலீஸாா் வழக்குப் பதிவு செய்து அவரைக் கைது செய்தனா். அவரிடம் இருந்து 3 கிலோ குட்கா பறிமுதல் செய்யப்பட்டன.