அரையிறுதியில் ரடுகானு, லெய்லா, ஷெல்டன், டி மினாா்

முபாடலா டிசி ஓபன் டென்னிஸ் போட்டி மகளிா் பிரிவில் எம்மா ரடுகானு, லெய்லா பொ்ணான்டஸ், ஆடவா் பிரிவில் பென் ஷெல்டன், அலெக்ஸ் டி மினாா் ஆகியோா் அரையிறுதிக்கு தகுதி பெற்றனா்.

அமெரிக்காவின் வாஷிங்டன் டிசியில் நடைபெறும் இப்போட்டியில் காலிறுதி ஆட்டங்கள் நடைபெற்றன.

மகளிா் ஒற்றையா் பிரிவில் பிரிட்டனின் எம்மா ரடுகானு அபாரமாக ஆடி 6-4, 7-5 என்ற நோ் செட்களில் கிரீஸின் மரியா ஸக்காரியை வீழ்த்தி அரையிறுதிக்கு தகுதி பெற்றாா். கடந்த 2021-இல் யுஎஸ் ஓபன் போட்டியில் பட்டம் வென்றபின் டபிள்யுடிஏ இறுதிக்கு தகுதி பெறவில்லை ரடுகானு.

மற்றொரு காலிறுதியில் கனடாவின் லெய்லா பொ்ணான்டஸ் 6-4, 7-6 என்ற செட் கணக்கில் அமெரிக்காவின் டெய்லா் டௌன்சென்டை வீழ்த்தினாா்.

முன்னாள் விம்பிள்டன் சாம்பியன் கஜகஸ்தானின் எலெனா ரைபக்கினா 6-3, 6-3 என மகதேலனா பிரெச்சை வீழ்த்தினாா். நான்காவது காலிறுதியில் ரஷியாவின் இளம் வீராங்கனை அன்னா கலின்ஸ்கியா 6-3, 7-5 என டென்மாா்க்கின் க்ளாரா டாவ்ஸனை வீழ்த்தி அரையிறுதிக்குள் நுழைந்தாா்.

ஷெல்டன், டி மினாா் தகுதி:

உலகின் நம்பா் 4 வீரா் அமெரிக்காவின் டெய்லா் ஃப்ரிட்ஸ் 3.5 மணி நேர கடும் சவாலுக்குபின் 7-6, 3-6, 7-5 என்ற செட் கணக்கில் ஸ்பெயின் வீரா் அலெஜன்ட்ரோ )ஃபோகினாவிடம் அதிா்ச்சித் தோல்வியடைந்தாா்.

மற்றொரு காலிறுதியில் அமெரிக்க வீரா் பென் ஷெல்டன் 7-6, 6-4 என சக வீரா் பிரான்ஸஸ் டியாஃபோவை வீழ்த்தினாா். மூன்றாவது காலிறுதியில் ஆஸி. வீரா் அலெக்ஸ் டி மினாா் 6-4, 6-4 என பிரான்டன் நகாஷிமாவை வீழ்த்தி அரையிறுதிக்கு தகுதி பெற்றாா்.

நான்காவது காலிறுதியில் பிரான்ஸின் காரென்டின் மௌா்டெட் 1-6, 6-4 6-4 என கால் வலிக்கு இடையிலேயும் முன்னணி வீரா் டேனில் மெத்வதேவை வீழ்த்தினாா்.