திருப்பத்தூர்: அடிப்படை வசதிகளின்றி அல்லாடும் ஐயங்கொல்லை மக்கள்; கோரிக்கைக்கு செ...
ஆம்பூா் ஏ-கஸ்பா பாலாற்றங்கரையோரம் ரூ.1.5 கோடியில் கட்டப்பட்டுள்ள நவீன எரிவாயு தகன மேடை திறக்கப்பட்டது.
மயானத்துக்கு அருகே நகராட்சி சாா்பில் நகா்புற மேம்பாட்டு திட்டத்தின் கீழ் ரூ.1.50 கோடியில் நவீன எரிவாயு தகன மேடையை நகா்மன்றத் தலைவா் பத்தேகான் ஏஜாஸ் அஹமத் பயன்பாட்டுக்காக திறந்து வைத்தாா். ஆணையா் பி. சந்தானம், நகா் மன்ற உறுப்பினா் வசந்த் ராஜ், துப்புரவு ஆய்வா் பாலச்சந்தா் உள்ளிட்டவா்கள் கலந்து கொண்டனா்.
சென்னையை சோ்ந்த மேக்ஷ்த்வாரா அறக்கட்டளை அமைப்புக்கு எரிவாயு தகன மேடையை பராமரிக்க ஒப்பந்தம் விடப்பட்டுள்ளது.
எரிவாயு தகன மேடை வளாகத்தில் இறந்தவரின் உறவினா்கள் அமருவதற்காக இருக்கைகள் அமைக்க ஏற்பாடு செய்யப்படும் என நகா் மன்றத் தலைவா் தெரிவித்தாா்.
எரிவாயு தகன மேடையை பயன்படுத்துவதற்கு இறப்பு குறித்து 97898 88713, 79041 61493 ஆகிய எண்களை தொடா்பு கொண்டு முன்னதாக தகவல் தெரிவிக்க வேண்டும். தகனம் செய்ய ரூ.4,000 கட்டணம் வசூலிக்கப்படும். இறந்தவரின் இறப்பு குறித்த மருத்துவா் வழங்கும் சான்று, இறந்தவரின் ஆதாா் அட்டை நகல், இறந்தவருக்கு இறுதிச் சடங்கு மேற்கொள்பவரின் ஆதாா் அட்டை நகல் ஆகியவற்றை தகனத்தின் போது சமா்ப்பிக்க வேண்டும்.
எரிவாயு தகன மேடை வளாகத்தில் தண்ணீா், குளியலறை வசதி ஏற்படுத்தப்பட்டுள்ளது. மாலை 5 மணி வரை மட்டுமே தகனம் செய்யப்படும். உயரதிகாரிகளின் முன் அனுமதியின் அடிப்படையில் ஏதேனும் அவசர காலங்களில் மட்டும் மாலை 6 மணிக்கு பிறகு தகனம் செய்ய அனுமதிக்கப்படும்.
கட்டணமில்லாமல் இலவச சேவை வழங்க கோரிக்கை :
எளிய மக்களுக்கு கட்டணமில்லாமல் எரிவாயு தகன மேடையை இலவசமாக பயன்படுத்திக் கொள்ள நடவடிக்கை எடுக்க வேண்டுமென நகா் மன்றத் தலைவா் மற்றும் நகராட்சி ஆணையரிடம் நகா் மன்ற உறுப்பினா் வசந்த்ராஜ் கோரிக்கை மனு அளித்தாா்.
