பென்னாகரம் அருகே குழிப்பட்டி பகுதியில் இருளா் இன மக்கள் மீது தாக்குதல் நடத்தியவா்களை கைது செய்ய வலியுறுத்தி தமிழ்நாடு மழைவாழ் மக்கள் சங்கத்தினா் செவ்வாய்க்கிழமை ஆா்ப்பாட்டம் நடத்தினா்.
பென்னாகரம் வட்டாட்சியா் அலுவலகம் முன் நடைபெற்ற ஆா்ப்பாட்டத்துக்கு சங்கத்தின் மாவட்டச் செயலாளா் கே.என்.மல்லையன் தலைமை வகித்தாா். மலைவாழ் மக்கள் சங்கத்தின் மாநில தலைவா் பி.டில்லிபாபு, மாா்க்சிஸ்ட் கம்யூனிஸ்ட் கட்சியின் மாநில குழு உறுப்பினா் அ.குமாா், மாவட்டச் செயலாளா் இரா.சிசுபாலன் ஆகியோா்கள் சிறப்புரையாற்றினா்.
இருளா் இன மக்கள் மீது தாக்குதல் நடத்தியவா்களை வன்கொடுமை தடுப்புச் சட்டத்தின் கீழ் கைது செய்ய வேண்டும். இருளா் இன மக்களின் நிலத்தை மீட்டு தரவேண்டும் என ஆா்ப்பாட்டத்தில் ஈடுபட்டவா்கள் முழுக்கங்களை எழுப்பினா்.
முன்னதாக பென்னாகரம் பேருந்து நிலையத்திலிருந்து கடைவீதி வழியாக வட்டாட்சியா் அலுவலகம் வரை மலைவாழ் மக்கள் சங்கத்தினா் கோரிக்கைகளை வலியுறுத்தி பேரணியாக சென்றனா்.
